మైత్రి నిర్మాతలపై చిరు అసంతృప్తి.. అంత ఖర్చు అవసరం లేదంటూ..!

సంక్రాంతి రేసులో వాల్తేరు వీరయ్యగా పోటీలో దిగుతున్నాడు మెగాస్టార్ చిరంజీవి. మెగా ఫ్యాన్స్ అందరికి మాస్ ఫీస్ట్ అందించేలా చిరు ఈ సినిమా చేస్తున్నారు. ఈ సినిమా ప్రమోషనల్ ఇంటర్వ్యూస్ లో మైత్రి నిర్మాతల ఖర్చు గురించి ప్రత్యేకంగా చెప్పారు చిరు. ముఖ్యంగా బాస్ పార్టీ సాంగ్ కోసం ఒక భారీ సెట్ వేయించారని. ఆ పాట అద్భుతంగా వచ్చినా ఆ సాంగ్ కోసం అంత ఖర్చు పెట్టాల్సిన అవసరం లేదని అన్నారు. కథలో విషయం ఉంటే ఇమేజ్ ఫ్యాక్టర్ దాటి సినిమాలు ఆడతాయని అన్నారు.

మూవీ మేకింగ్ లో నిర్మాతలు చాలా జాగ్రత్తగా ఉండాలని.. దర్శకులు కూడా సినిమాను బాగా వచ్చేలా చేసుకోవాలని అన్నారు. ఇక సినిమా షూట్ చేసినదంతా కూడా ఉపయోగపడేలా ఉండాలని చిరంజీవి అన్నారు. బాస్ పార్టీ సెట్ కోసం మైత్రి వారు భారీ మొత్తాన్ని ఖర్చు పెట్టారని.. ఆ సెట్ వేసే ముందే టీం తనతో చర్చించి ఉంటే తాను వద్దనేవాడినని అన్నారు. అయితే ఈ పాట సెట్ తో సాంగ్ ఫీల్ వావ్ అనిపించేలా చేస్తుందని అన్నారు.

మైత్రి మూవీ మేకర్స్ మొదటి సినిమా నుంచి వారి ప్రొడక్షన్ లో సినిమా నో కాంప్రమైజ్ అనేలా ఖర్చు పెడుతున్నారు. సినిమా గ్రాండ్ లుక్ రావడం కోసం బడ్జెట్ విషయంలో అసలు వెనకడుగు వేయట్లేదు మైత్రి మేకర్స్.

అందుకే స్టార్ హీరోలందరూ ఆ నిర్మాణ సంస్థతో వరుస సినిమాలు చేస్తున్నారు. సక్సెస్ పర్సెంటేజ్ కూడా ఈ నిర్మాణ సంస్థకు ఎక్కువ ఉండటం కూడా వారి భారీ తనానికి ఒక కారణమని చెప్పొచ్చు.

వాల్తేరు వీరయ్య మైత్రి మూవీ మేకర్స్ నుంచి వస్తున్న మరో భారీ సినిమా అని తెలుస్తుంది. చిరు, రవితేజ సీన్స్ థియేటర్ లో ఆడియన్స్ కు పూనకాలు తెప్పిస్తాయని తెలుస్తుంది. దేవి శ్రీ ప్రసాద్ మ్యూజిక్ ఆల్రెడీ సినిమాపై ఒక హైప్ క్రియేట్ చేసింది.

బాబీ ఈ సినిమాపై పూర్తి నమ్మకంగా ఉన్నాడు. మరి చిరు అండ్ టీం ఈసారి హిట్టు కొడుతున్నాం అని చెప్పిన మాటలు నిజమవుతాయా లేదా అన్నది మరికొద్ది గంటల్లో తెలుస్తుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.