యూర‌ప్ లో చిరు విహార యాత్ర‌..వీర‌య్య యాత్ర‌!

మెగాస్టార్ చిరంజీవి క‌థానాయ‌కుడిగా బాబి ద‌ర్శ‌క‌త్వంలో 'వాల్తేరు వీర‌య్య' సంక్రాంతి కానుక‌గా ప్రేక్ష‌కుల ముందుకొస్తున్న సంగ‌తి తెలిసిందే. జ‌న‌వ‌రి 13న మైత్రీమూవీ మేక‌ర్స్ భారీ ఎత్తున చిత్రాన్నిప్రేక్ష‌కుల ముందుకు తీసుకొస్తుంది. ఆ ముందు రోజు జ‌న‌వ‌రి 12న బాల‌య్య ని వీర‌సింహారెడ్డి తో దింపేసి త‌దుప‌రి వీర‌య్య‌ని బ‌రిలోకి దించుతుంది.

దీంతో క్లైమాక్స్ షూట్ ప‌నుల్లో బాల‌య్య‌..చిరు బిజీ అయ్యారు. ఇప్ప‌టికే వీర‌సింహారెడ్డి టాకీ పూర్తిచేసుకుంది. ఒక పాట బ్యాలెన్స్ ఉంది. అలాగే వీర‌య్య రెండు పాట‌లు బ్యాలెన్స్ షూట్ మిగిలి ఉంది. దీంతో యూనిట్ యూర‌ప్ వెళ్లింది. ఆ రెండు పాట‌లు యూర‌ప్ అందాల్లో షూట్ చేస్తున్నారు. ఇదే అదునుగా చిరంజీవి యూర‌ప్ కి కుటుంబ స‌మేతంగా వెళ్లారు.

ఒకేసారి చిరు ఫ్యామిలీ యాత్ర‌తో పాటు వీర‌య్య యాత్ర‌ని ముగించేస్తున్నారు. తాజాగా యూర‌ప్ టూర్ కి సంబంధించిన రెండు ఫోటోలు ట్విట‌ర్లో పోస్ట్ చేసారు. అందులో ఒక ఫోటోలోకుమార్తె సుస్మిత‌..భార్య సురేఖ‌తో పాటు మ‌న‌వ‌రాళ్లు ఉన్నారు. చిరంజీవి సాధార‌ణ దుస్తుల్లో క‌న‌పిస్తున్నారు. ఇక మ‌రో ఫోటోలో చిరు-శ్రుతిహాస‌న్ జంట‌గా ఫోటో దిగారు.

ఇది ప్ర‌యివేట్ ప్లైట్ లో దిగిన ఫోటో. శ్రుతిహాస‌న్ న‌లుపు రంగు దుస్తుల్లో క‌నిపిస్తున్నారు. ఈ రెండు ఫోటోల్ని ఉద్దేశించి ఆస‌క్తిక‌ర క్యాప్ష‌న్స్ కూడా ఇచ్చారు. 'ఫ్యామిలీతో అటు విహార యాత్ర‌...ఇటు హీరోయిన్ తో వీర‌య్య యాత్ర' అంటూ రాసుకొచ్చి షేర్ చేసారు. ప్ర‌స్తుతం ఆఫోటోలు నెట్టింట జోరుగా వైర‌ల్ అవుతున్నాయి.

దీంతో నెటి జ‌నులు ఒకే దెబ్బ‌కు రెండు పిట్ట‌లు అన్న చందంగా యూర‌ప్ షూట్ లో భాగంగా ఫ్యామిలీ తో వెకేష‌న్ కూడా బాస్ పూర్తి చేసేస్తున‌నారంటూ కామెంట్లు పెడుతున్నారు. మ‌రో వైపు పాటల‌ షూటింగ్ కూడా పూర్తవుతుంది. దీంతో షూట్ మొత్తం పూర్త‌వుతుంది. మ‌రోవైపు నిర్మాణానంత‌ర ప‌నులు అంతే వేగంగా జ‌రుగుతున్నాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.