ఎంపీ వార‌సుని పెళ్లిలో చిరు-సురేఖ దంప‌తులు

సినీరాజ‌కీయ రంగ ప్ర‌ముఖులు స‌హా పారిశ్రామిక వేత్త‌ల‌తో మెగా కుటుంబం అనుబంధం గురించి తెలిసిందే. బంధాలు అనుబంధాల‌కు విలువిచ్చే మెగాస్టార్ చిరంజీవి ఫ్యామిలీ వేడుక‌ల్ని అస్స‌లు మిస్ చేయ‌రు. ముఖ్యంగా పెళ్లి వేడుక‌ల్లో న‌వ‌వ‌ధూవ‌రుల‌కు ఆశీర్వ‌చ‌నాలు అందించి త‌న‌ స్నేహితుల‌ను ఖుషీ చేస్తుంటారు. తాజాగా ఉదయపూర్ లో కన్నుల పండుగగా జరిగిన బందర్ ఎంపీ బాలశౌరి కుమారుని వివాహ వేడుక‌లో చిరు ప్ర‌త్యేక అతిథిగా మెరిసారు.

మచిలీపట్నం ఎం.పి. బాలశౌరి కుమారుడు అనుదీప్ వివాహం రాజస్థాన్ లోని ఉదయపూర్ లోని ప్రముఖ ప్యాలెస్ నందు వధువు స్నికితతో సోమవారం తెల్లవారు ఝామున ఘనంగా జరిగింది.. ఈ మధ్య కాలంలో సెలెబ్రిటీల వివాహాలన్ని డెస్టినేషన్ వెడ్డింగ్ రూపంలో జరుగుతున్న విషయం అందరికీ తెలిసిందే. రెండు రోజులు పాటు ఘనంగా జరిగిన వేడుకలలో భాగంగా సంగీత్- హల్ది- పెండ్లి కొడుకు- పెళ్లి కూతురు రిసెప్షన్ తో పాటు వివాహ వేడుకలు రంగ రంగ వైభవంగా జరిగి ఆహుతులను అలరించాయి.

ఈ వేడుకలో సినీ రాజకీయ వ్యాపార వేత్తలతో పాటు పలువురు ప్రముఖులు పాల్గొన్నారు. ఈ వివాహానికి ముఖ్య అతిథులుగా టాలీవుడ్ మెగాస్టార్ చిరంజీవి దంపతులు సతీ సమేతంగా హాజరై నూతన వధూవరులను అశీర్వ‌దించారు. ఈ కార్యక్రమంలో రాష్ట్ర మంత్రి వర్యులు పేర్ని నానితో పాటు- అరకు ఎం.పి.మాధవి- రాజ్యసభ సభ్యులు సి.ఎం.రమేష్- వేమిరెడ్డి ప్రభాకర రెడ్డి- శాసన సభ్యులు పార్థ సారధి- అనిల్ కుమార్- సింహాద్రి రమేష్- జోగి రమేష్- రెడ్డి శాంతి,- గ్రీన్ కో MD చలమల శెట్టి గోపి,- AMR గ్రూప్ అధినేత మహేశ్ రెడ్డి,- నిర్మాత దాసరి కిరణ్ కుమార్, -ప్రముఖ పారిశ్రామికవేత్తలు శ్రీనివాస నాయుడు, -విడుదల కుమార స్వామి,- భైరా దిలీప్ చక్రవర్తి తదితరులు పాల్గొని నూతన వధూవరులను ఆశీర్వదించారు. ఈ పెళ్లి వేడుక‌లో ఏపీ మంత్రి పేర్ని నాని కూడా క‌నిపించారు. ఏపీలో టికెట్ రేట్ల విష‌య‌మై చ‌ర్చ సాగుతున్న వేళ చిరు- పేర్ని ఇలా పెళ్లిలో క‌లుసుకోవ‌డం ఆస‌క్తిక‌రం.