ఖాన్ సాయం కోరిన చిత్రాంగద

బాలీవుడ్ లో ఓ హీరోయిన్ కెరీర్ ని ట్రాక్ లో పడాలంటే.. అన్నిటికంటే మించిన ఓ టెక్నిక్ ఉంది. బాలీవుడ్ కండలవీరుడు సల్మాన్ ఖాన్ అండ దొరికితే.. సల్మాన్ రికమెండేషన్ సంపాదించగలిగితే వరుసగా అవకాశాలు వచ్చేస్తాయి. అదృష్టం బాగుంటే స్టార్ హీరోయిన్ కూడా అయిపోవచ్చు.

అప్పట్లో ఐశ్వర్యారాయ్ నుంచి కత్రినా కైఫ్ వరకూ ఈ విషయం చాలాసార్లే ప్రూవ్ అయింది. సహజంగా సల్లూ భాయ్ కొంతమంది విషయంలో తనే ఇలాంటి చొరవ తీసుకుంటూ ఉంటాడు. ఇప్పుడు మాత్రం ఓ హీరోయిన్ కోరి మరీ వచ్చి ఖాన్ సహాయం కోరిందట. తన తొలి చిత్రం హజారోం క్వాయిషీ ఐసీ అంటూ సంచలనం సృష్టించిన చిత్రాంగదా సింగ్.. ఆ తర్వాత పెద్దగా మెరవలేకపోయింది. 14 ఏళ్లుగా ఇండస్ట్రీలో ఉన్నా చేసిన సినిమాల సంఖ్య కూడా తక్కువే. 2015లో వచ్చిన గబ్బర్ ఈజ్ బ్యాక్ లో 'ఆవో రాజా' అంటూ ఐటెం సాంగ్ చేసిన తర్వాత మళ్లీ ఆన్ స్క్రీన్ పై కనిపించలేదు.

ఇలాంటి పరిస్థితిలో తన కెరీర్ ను నిలబెట్టాలంటే ఒక్క సల్మాన్ వల్లే సాధ్యం అని ఫిక్స్ అయిందట. మధ్యలో నిర్మాతగా కూడా మారుతుందనే టాక్ వచ్చింది కానీ.. అది కూడా వర్కవుట్ అవలేదు. ప్రస్తుతం సైఫ్ అలీ ఖాన్ మూవీ బజార్ లో నటిస్తున్న చిత్రాంగద.. తనకు మంచి స్క్రిప్ట్ లు.. ప్రాజెక్టులు అందేలా చూడాలని సల్మాన్ ను పర్సనల్ గా రిక్వెస్ట్ చేసిందని బాలీవుడ్ టాక్.


Like Us on Facebook : https://www.facebook.com/Tupakidotcom/