రజినీకాంత్‌ చాక్లెట్‌ ను తినేయండిక

సూపర్ స్టార్ రజినీకాంత్ సినిమా వస్తోందంటే.. తమిళ నాట అంతా ఇక రజినీనామ జపమే వినిపిస్తుంది. ఎలక్షన్స్ కారణంగా రజినీకాంత్ మూవీ కబాలి పోస్ట్ పోన్ అయింది కానీ.. ఆ మూవీ వస్తోందన్న జోష్ ఇప్పటికే జనాల్లో స్ప్రెడ్ అయిపోయింది. దీన్ని క్యాష్ చేసుకునేందుకు బోలెడు కంపెనీలు స్కెచ్ లు వేస్తున్నాయి.

అందులో భాగంగా పాండిచెర్రీకి చెందిన చాక్లెట్ కేఫ్ లను నడిపే ఓ చైన్ వ్యాపార సంస్థ.. కబాలి గెటప్ లో రజినీకాంత్ విగ్రహాన్ని.. రియల్ లైఫ్ సైజులో చేయించారు. ఈ చాక్లెట్ రజినీకాంత్ ను తమ ప్రతి రెస్టారెంట్ లోను ఉంచి.. సెల్ఫీలు తీసుకునే ఏర్పాటు చేశారు. ఆ సంస్థకు చెందిన మొత్తం అన్ని రెస్టారెంట్లలోనూ చాక్లెట్ రజినీకాంత్ దర్శనమిస్తున్నాడు. జనాలు కూడా తండోపతండాలుగా పడొచ్చేసి చాక్లెట్ సూపర్ స్టార్ తో ఫోటోలు దిగేస్తున్నారు.

అంతే కాదు.. ఓ కాంపిటీషన్ కూడా రన్నింగ్ లో ఉంది. బెస్ట్ సెల్ఫీ - బెస్ట్ స్లోగన్ లకు గిఫ్ట్ కూడా ఇస్తారట. అదేంటో కాదు.. చాక్లెట్ రజినీకాంత్ విగ్రహమే. అంటే ఇన్ని కిలోల చాక్లెట్ రజినీకాంత్ ని ఇంటికి పట్టికెళ్లిపోవచ్చు. తమిళనాట ప్రజల అభిమానాన్ని - తమ వ్యాపారంగా చేసుకుంటున్న వ్యాపార సంస్థల ఐడియాలు - భలేగా ఉన్నాయి. ఆ ఫోటోలో చూస్తుంటే.. ఆ అమ్మాయిలు చాక్లెట్‌ను తినేశేలా ఉన్నారు మరి.