లిరికల్ వీడియో: మహర్షి ఫ్రెండ్ షిప్ కబుర్లు

మహేష్ బాబు అభిమానులు పాటల తాలుకు ప్రకటన వచ్చినప్పటి నుంచి ఎప్పుడెప్పుడా అని ఎదురు చూస్తున్న ఫస్ట్ ఆడియో సింగల్ ఆన్ లైన్ లో విడుదలైపోయింది. దేవి శ్రీప్రసాద్ సంగీతంలో శ్రీమణి లిరిక్స్ కూర్చిన ఈ గీతం సింపుల్ మెలోడీతో సాగింది. చోటి చోటి బాతే మీటి మీటి యాదే అంటూ హిందీలో మొదలుపెట్టి కాలేజీ క్యాంపస్ లో స్నేహితుల మధ్య ఉండే బాండింగ్ గురించి అల్లుకున్న తీరు ఆకట్టుకునేలా ఉంది.ఎన్నో వేల కథలు అరె ఇంకో కథ మొదలు అంటూ పల్లవికి ఫినిషింగ్ ఇచ్చిన తీరు డెప్త్ ని సూచిస్తోంది.

లిరికల్ వీడియో విజువల్స్ లో మొన్న పోస్టర్ ఇచ్చిన స్టిల్ తో పాటు ఆన్ ది షూట్ వర్కింగ్ షాట్స్ కూడా పంచుకున్నారు. పాట సాంతం స్నేహంలోని గొప్పదనం గురించి తల్లితండ్రులు ఇవ్వలేనిది చెలిమిలో ఏది ఎలా దొరుకుతుందో వివరిస్తూ శ్రీమణి రాసిన సాహిత్యం సింపుల్ పదాలతో క్యాచీగా ఉండటమే కాదు రిపీట్ మోడ్ లో వెళ్లేలా చేసింది

కాకపోతే మరీ యునీక్ గా అనిపించలేకపోయినా సందర్భానుసారంగా వచ్చే పాట కాబట్టి డీఎస్పి స్టైల్ లో పోను పోను కనెక్ట్ అయ్యే ఫీలింగ్ ఇస్తుంది. పాట మొత్తం దేవినే పాడాడు. వీడియోలో పూజా హెగ్డే ఉన్నప్పటికీ ఆడ గొంతు వినిపించలేదు. సో ఇది బ్యాక్ గ్రౌండ్ లో వచ్చే సాంగ్ గా చెప్పుకోవచ్చు.

వంశీ పైడిపల్లి దర్శకత్వం వహించిన మహర్షి మే 9న విడుదల కానుంది. భారీ అంచనాలు ఉన్న నేపథ్యంలో ఆడియో మీద సైతం ఎక్కువ హైప్ ఉంది. భరత్ అనే నేను మించిన ఆల్బమ్ ని ఆశిస్తున్నారు అభిమానులు. చోటి చోటి బాతేతో దానికి మొదటి అడుగు పడినట్టే కనిపిస్తోంది