నేనే నేనే అంటున్న జేమ్స్ బాండ్

జేమ్స్ బాండ్ 007.. ఇంటర్నేషనల్ గా బోలెడంత క్రేజ్. డిమాండ్ ఉన్న మూవీ ఇది. జేమ్స్ బాండ్ రోల్ చేసేందుకు ఎంతోమంది తెగ ప్రయత్నాలు చేస్తుంటారు. అంతర్జాతీయంగా ఫేమ్ అయిపోయే అవకాశం ఉండడం.. జేమ్స్ బాండ్ అనే కేరక్టర్ చేస్తే సినిమా హిస్టరీలో స్థానం సంపాదించేయడం జరిగిపోతాయి.

అయితే 4 బాండ్ మూవీస్ లో నటించిన ఈ తరం జేమ్స్ బాండ్ డానియల్ క్రేగ్.. రీసెంట్ గా స్పెక్టర్ తర్వాత తాను ఇకపై ఈ చిత్రాలు చేయనని చెప్పేశాడు. 'చెయ్యి కోసుకోమన్నా కోసుకుంటా కానీ.. ఇకపై బాండ్ సినిమాల్లో నటించన'న్నది ఈయన గారి మాట. ఇప్పుడు మాత్రం మనసు మార్చేసుకున్నట్లుగా ఉన్నాడు. నేరుగా చెప్పకపోయినా మళ్లీ జేమ్స్ బాండ్ సినిమాల్లో నటించేందుకు తాను సిద్ధం అంటూ సిగ్నల్స్ పంపేశాడు. 'జేమ్స్ బాండ్ పాత్రను నేను బాగా ఎంజాయ్ చేశాను. అందులో కిక్ ఉంది. నాకు అవకాశం వచ్చినంత కాలం అలాంటి పాత్రలు చేస్తూనే ఉంటా' అని చెప్పాడు డానియల్ క్రేగ్.

రీసెంట్ గా ఇతడు హ్యాండ్ ఇవ్వడంతో థోర్ ఫేమ్ క్రిస్ హెమ్స్ వర్త్ ను బాండ్ సినిమాలకు ఎంపిక చేసుకున్నట్లు వార్తలొస్తున్నాయి. మరోవైపు టామ్ హిడిల్ స్టన్ కూడా గట్టి ప్రయత్నాలే చేస్తున్నాడు. ఓ సమయంలో అయితే క్రిస్ కు డానియల్ కూడా ఓటేశాడు. మరిప్పుడు మళ్లీ మాట మార్చడానికి కారణాలేంటో... డానియల్ రీఎంట్రీ ఇస్తాననడంతో కొత్తోళ్ల హోప్స్ ఏమవుతాయో తెలీదు. అయితే.. ఇంత నిలకడ లేనోడు.. అసలు జేమ్స్ బాండ్ అంటే నమ్మడం కష్టంగా ఉంది బాసూ.

Like Us on Facebook : https://www.facebook.com/Tupakidotcom/