ఫోటో స్టోరీ: జిల్లంటోంది వ‌య‌సు

ప‌ద‌హారేళ్ల వ‌య‌సు.. మ‌రో నాలుగు క‌లిపితే 20. టీనేజీ ప్రాయంలోని ఆ దుందుడుకు చ‌ల్లార‌క ముందే క‌థానాయిక అయితే ఆ రేంజే వేరుగా ఉంటుంది. స‌రిగ్గా ఇదే హుషారుతో బాలీవుడ్ హీరోల‌ టీనేజీ డాట‌ర్స్ వ‌రుస‌గా వెండితెర ఆరంగేట్రం చేస్తూ వేడి పెంచేస్తున్నారు. ఇప్ప‌టికే శ్రీ‌దేవి కుమార్తె జాన్వీ క‌పూర్ ధ‌డక్ చిత్రంతో అదిరిపోయే ఎంట్రీ ఇచ్చింది. అటుపై సైఫ్‌ ఖాన్ డాట‌ర్ సారా అలీఖాన్ కేదార్‌ నాథ్ చిత్రంతో మెరుపులు మెరిపించ‌బోతోంది. డిసెంబ‌ర్‌ లో ఈ చిత్రం రిలీజ‌వుతోంది. ఆ నెక్ట్స్ కొత్త సంవ‌త్స‌రంలో మ‌రో స్టార్ కిడ్ బ‌రిలో దిగుతోంది. ఈ భామ పేరు అహ‌నా పాండే. న‌టుడు చుంకీ పాండే గారాల ప‌ట్టీ.

యువ‌త‌రం క‌థానాయిక‌ల్ని వెండితెర‌కు ప‌రిచ‌యం చేసే లక్కీ హ్యాండు క‌ర‌ణ్ జోహార్ ఈ అమ్మ‌డిని కూడా ప‌రిచ‌యం చేస్తున్నారు. `స్టూడెంట్ ఆఫ్ ది ఇయ‌ర్ 2` చిత్రంలో టైగ‌ర్ ష్రాఫ్ స‌ర‌స‌న అహ‌నా న‌టిస్తోంది. ఇదివ‌ర‌కూ రిలీజ్ చేసిన ఫ‌స్ట్ లుక్ పోస్ట‌ర్‌ కి అద్భుత‌మైన స్పంద‌న వ‌చ్చింది. అహ‌నా నేటితో 20 ఏళ్లు పూర్తి చేసుకుంది. 20వ పుట్టిన‌రోజును సెల‌బ్రిటీ సంద‌డి మ‌ధ్య‌ ఘ‌నంగా జ‌రుపుకుంది. ఇదే సంద‌ర్భంలో అన‌న్య పాండేకు ఓ అరుదైన అవ‌కాశం ల‌భించింది. హంస‌రాణుల ప్యారిస్ నుంచి లీ బాల్ - డెబ్యుటెంట్ డ్యాన్స్ కాన్సెప్ట్‌ లో పాల్గొనేందుకు అవ‌కాశం అందుకుంది. ఓఫెలీ రెనోర్డ్ నుంచి ఇన్విటేష‌న్ అందింది. ఈ సంద‌ర్భంగా అహ‌నా ఉబ్బి త‌బ్బిబ్బ‌వుతోంది.

ఓ ప్ర‌తిష్ఠాత్మ‌క‌ డ్యాన్స్ ఈవెంట్‌ లో ఇలాంటి అరుదైన అవ‌కాశం త‌న‌కు మాత్ర‌మే ద‌క్కినందుకు ఓ డెబ్యూ నాయిక‌గా ఎంతో సంతోషంగా ఉంద‌ని ఆనందం వ్య‌క్తం చేసింది అహ‌నా. బుట్ట బొమ్మ‌లా క‌నిపిస్తున్న అహ‌నా చూడ‌గానే కుర్ర‌కారు గుండె ల‌య త‌ప్ప‌డం ఖాయం. జాన్వీ - సారా అలీఖాన్‌ ల‌కు బాలీవుడ్‌ లో సిస‌లైన పోటీనిచ్చే స్టార్ కిడ్‌ గా అప్పుడే బోలెడంత పాపులారిటీ తెచ్చేసుకుంది. ప్ర‌స్తుతం సామాజిక మాధ్య‌మాలైన ట్విట్ట‌ర్ - ఇన్‌ స్టాగ్ర‌మ్ - ఫేస్‌ బుక్‌ లోనూ అహ‌నాకి బోలెడంత ఫాలోయింగ్ ఏర్ప‌డింది. `స్టూడెంట్ ఆఫ్ ది ఇయ‌ర్ 2` జ‌న‌వ‌రి 2019లో రిలీజ్ కానుంది.