దీపావళి సినిమాలకు ఎఫెక్ట్ తప్పదా?

ప్రస్తుత రోజుల్లో సినిమాల ప్రభావం జనాలపై చాలానే ఉంది ముఖ్యంగా తమిళనాడు ప్రజలకి సినిమా అంటే ఎంతో మక్కువ అనే విషయం తెలిసిందే. అక్కడ సినిమాలు రిలీజ్ అయితే ప్రేక్షకులు ఒక పండగలా చేసుకుంటారు. ముఖ్యంగా స్టార్ హీరోల సినిమాలు రిలీజ్ అయితే ఆ హడావిడి మాములుగా ఉండదు. తమిళ సినీ మార్కెట్ కూడా చాలా పెద్దదని చెప్పాలి.

అయితే ఇప్పుడు అక్కడ కొన్ని సినిమాలు ఎదుర్కొంటున్న సమస్యలు అన్ని ఇన్ని కావు. సినిమా రిజల్ట్ సంగతి తర్వాత. కానీ తీసిన సినిమా అనుకున్న టైమ్ కి రిలీజ్ అవుతుందో లేదో తెలియని పరిస్థితి. ప్రస్తుతం త‌మిళ‌నాడు రాష్ట్ర ప్రభుత్వం ప్రవేశపెట్టిన వినోదపు పన్ను కారణంగా ఆ రాష్ట్రంలో ఏడు సినిమాలు విడుదల కాలేదు. చాలా థియేటర్లు - డిస్ట్రిబ్యూటర్లు ఏ మాత్రం పట్టు విడవకుండా ప్రభుత్వంపై ఒత్తిడి తేవాలని సమ్మె చేస్తున్నారు. ఈ శుక్రవారం అతి కష్టం మీద రిలీజ్ అయిన కొన్ని సినిమాలపై ఆ ప్రభావం బాగానే పడింది. అయితే ఇప్పుడు దీపావళికి రిలీజ్ కాబోతున్న సినిమాలపై కొన్ని సినిమాలపైనే కూడా ఆ ప్రభావం కనిపించేలా ఉంది.

ముఖ్యంగా భారీ బడ్జెట్ తో తెరకెక్కిన విజయ్- మెర్సాల్ ఈ సమ్మె కారణంగా కలెక్షన్స్ పై ఏమైనా ఎఫెక్ట్ పడనుందా అనే అనుమానాన్ని కలిగిస్తోంది. అలాగే శశి కుమార్ - కోడివీరన్ సినిమా కూడా ఆ సమయంలోనే రిలీజ్ అవుతోంది. ఒక వేళ సినిమాలకు పాజిటివ్ టాక్ వచ్చినా కూడా అనుకున్నంతగా కలెక్షన్స్ ని రాబట్టగలుగుతాయా అనేది డౌటే.. చూడాలి మరి ఎంతవరకు సక్సెస్ అవుతాయో..