సర్కిల్ ట్రైలర్.. లవ్ లో యాక్షన్ డోస్

అన్నీ పెద్ద సినిమాలే కాదు, ఒక్కోసారి ఎలాంటి అంచనాలు లేకుండా విడుదలై బ్లాక్ బస్టర్లుగా నిలిచిన చిన్న సినిమాలు చాలానే ఉన్నాయి. అందులో హీరో, హీరోయిన్ ల ముఖ పరిచయం కూడా లేకపోయినా, కథ బలంగా ఉండటంతో హిట్ కొట్టేస్తూ ఉంటారు. ఈ మధ్యకాలంలో అలాంటి సినిమాలు చాలానే ఉన్నాయి. ఇక కంటెంట్ తోనే హిట్ కొట్టడానికి మరో సీనియర్ దర్శకుడు సిద్ధమయ్యారు. ఆయన కొత్త సినిమా రెడీ అయ్యింది. అదే సర్కిల్.

ఎప్పుడూ రోటీన్ సినిమాలే కాకుండా, కేవలం డిఫరెంట్ కాన్సెప్ట్ లతో ముందుకు వచ్చే దర్శకులు కొందరు ఉంటారు. అలాంటివారిలో టాలీవుడ్ డైరెక్టర్ నీలకంఠ కూడా ఒకరు. గతంలో షో అనే సినిమాతో ఆయన మన ముందుకు వచ్చారు. ఆ సినిమాకి రెడు జాతీయ అవార్డులు గెలుచుకున్నారు. అలాంటి డైరెక్టర్ నుంచి వస్తున్న తాజా చిత్రం సర్కిల్. "ఎవరు, ఎప్పుడు, ఎందుకు శతృవులవుతారో" అనే ఆసక్తికరమైన ట్యాగ్ లైన్ కూడా బాగా ఆకట్టుకుంటోంది.

తాజాగా, ఈ మూవీకి సంబంధించిన ట్రైలర్ ని విడుదల చేశారు. ఇప్పటికే మూవీ టైటిల్, మోషన్ పోస్టర్ ఆకట్టుకోగా, టీజర్ కూడా ఆకట్టుకుంటోంది. ఈ మూవీలో సాయి రోనక్, బాబా భాస్కర్, ఆర్షిన్ మెహతా తదితరులు కీలక పాత్ర పోషించారు. మూవీ టైటిల్ కి అనుగుణంగా ఈ మూవీలో యాక్షన్, రొమాన్స్ మేళవించినట్లుగా ఉంది. సినిమాలోని కథల చుట్టూ కథ సర్కిల్ రూపంలో తిరుగుతూ ఉంటుంది. మూవీలోని రొమాంటిక్ సీన్స్ ఆకట్టుకునేలా ఉన్నాయి.

జాతీయ అవార్డు గ్రహీత నీలకంఠ ఈ మూవీకి దర్శకత్వం వహించడంతో సినిమాపై ఆసక్తి పెరిగింది. తన జీవితంలో జరిగిన కొన్ని సంఘటనల కారణంగా హీరో పాత్ర ఒక సర్కిల్లోకి లాగబడతాడు. ఎవరు శత్రువు ఎవరు మిత్రుడు అని తెలుసుకోలేని సందిగ్ధంలో పడతాడు. ఈ ప్రాబ్లమ్స్ ని దాటుకుని తను బయటకు రాగలిగాడా లేదా అనే విషయం ఆధారంగా సినిమా తెరకెక్కించారు.

ఆరా ప్రొడక్షన్స్ బ్యానర్ పై తెరకెక్కుతున్న ఈ సినిమా త్వరలోనే ప్రేక్షకుల ముందుకు రానుంది. శరత్ చంద్ర, సుమలత అన్నీత్ రెడ్డి, వేణుబాబు ఈ చిత్రానికి నిర్మాతలుగా వ్యవహరిస్తున్నారు.