హమ్మయ్య NTR30 పై క్లారిటీ.. నవంబర్ కల్లా..

ఆర్ఆర్ఆర్ తర్వాత ఎన్టీఆర్ క్రేజ్ మామూలుగా లేదు. ఏకంగా పాన్ ఇండియా స్టార్ గా ఎదిగారు. రాజమౌళి తెరకెక్కించిన ఆర్ఆర్ఆర్ వరల్డ్ వైడ్ గా గుర్తింపు తెచ్చుకుంది. ఇక తారక్, రామ్ చరణ్ నాటు నాటు స్టెప్పులకు ఆ పాట ఆస్కార్ నామినేషన్ చోటు కూడా దక్కించుకుంది. ఇదిలా ఉంటే ఎన్టీఆర్ తన 30వ సినిమా కోరటాల శివ దర్శకత్వంలో చేస్తున్న సంగతి తెలిసిందే. అయితే ఈ సినిమా ఎప్పుడు మొదలు అవుతుందా అని ఫ్యాన్స్ తెగ ఈగర్ గా వెయిట్ చేస్తున్నారు.

ఇదిలా ఉంటే ఎన్టీఆర్ 30 గురించి పలు ఇంట్రెస్టింగ్ న్యూస్ సినిమా ఇండస్ట్రీ వర్గాల్లో చక్కర్లు కొడుతున్నాయి. ఇప్పటి వరకు షూటింగ్ కూడా స్టార్ట్ చేయని ఈ సినిమా.. మరో రెండు మూడు రోజుల్లో ప్రారంభం కానున్నట్లు తెలుస్తోంది. అయితే ఈ సినిమా ఇప్పటికైనా ప్రారంభం అయి.. త్వరగా షూట్ కంప్లీట్ చేసుకుంటే అంతే చాలు అని అభిమానులు అనుకుంటున్నారు.

ఇక ఈ సినిమాను నవంబర్ లో రిలజ్ చేస్తారని తెలుస్తోంది. ఇ ఈ సినిమాపై ప్రేక్షకులలో భారీ అంచనాలు నెలకొన్నాయి. పైగా 'జనతా గ్యారేజ్‌' వంటి బ్లాక్‌బస్టర్‌ తర్వాత కొరటాల శివ దర్శకత్వం వహించనుడటంతో ప్రేక్షకులు ఆతృతగా ఉన్నారు.

కాగా ఆర్ఆర్ఆర్‌ వచ్చి దాదాపు పది నెలలు దాటినా.. ఎన్టీఆర్‌ నెక్స్ట్‌ సినిమాను స్టార్ట్‌ చేయకపోవడంపై అభిమానులు కాస్త నిరాశలో ఉండగా.. తాజా సమాచారంతో అభిమానులు ఖుష్ అవుతున్నారు.

ఇక ఈ సినిమా పూజా కార్యక్రమాలు కూడా ఇదే నెలలో ఉండనున్నట్లు సమాచారం. అంతేకాకుండా రెగ్యులర్‌ షూటింగ్ మార్చి థర్డ్‌ వీక్‌ నుంచి ప్రారంభం కానుంది. అవుట్ అండ్‌ అవుట్‌ యాక్షన్‌ ఎంటర్‌టైనర్‌గా తెరకెక్కుతున్న ఈ సినిమా అండర్‌ వాటర్‌ యాక్షన్‌ బ్యాక్‌ డ్రాప్‌లో తెరకెక్కనుంది.

ప్రతీ సినిమాలో ఒక సోషల్‌ మెసేజ్‌ ఇచ్చే కొరటాల.. ఈ సినిమాలో కూడా వాటర్‌కు సంబంధించిన సోషల్‌ మెసేజ్‌ను ప్రేక్షకులకు ఇవ్వనున్నారని తెలుస్తోంది.. ఈ సినిమాకు దేవర అనే టైటిల్‌ను పరిశీలనలో ఉంచినట్లు సమాచారం. అనిరుధ్ సంగీతం అందిస్తున్న ఈ చిత్రాన్ని ఎన్‌టీఆర్‌ ఆర్స్ట్, యువసుధ ఆర్స్ట్ బ్యానర్‌లపై నందమూరి కళ్యాణ్‌రామ్‌, సుధాకర్‌ మిక్కిలినేని సంయుక్తంగా నిర్మిస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.