మన్నారా.. పైలట్ సీట్ అంటే రిస్కేరా

ప్రతీ వాళ్లకు కొన్ని ఫ్యాంటసీలు కామన్. ఫ్లైట్ లో ఎక్కడమే కామన్ పీపుల్ కి ఫ్యాంటసీ అయితే.. తరచుగా ఫ్లైట్ ఎక్కేవారికి పైలట్ సీట్ లో కూర్చోవాలనే కోరిక ఉంటుంది. గతంలో ఓసారి నిత్యా మీనన్ ఇలాగే రన్నింగ్ ఫ్లైట్ లో పైలట్ సీట్ లో కూర్చుని పోజులిచ్చింది. ఈ వార్త బయటకు రావడంతో.. అప్పట్లో ఇద్దరు సిబ్బందిని సస్పెండ్ చేశారు కూడా. ఇప్పుడు మన్నారా చోప్రా కూడా ఇలాంటి ఫీట్ ఒకటి చేసి.. నెట్ లో పెట్టేసింది.

సుప్రీం హీరో అని మెగా ఫ్యాన్స్ తో పిలిపించుకుంటున్న సాయిధరం తేజ్ సరసన తిక్క మూవీలో హీరోయిన్ గా మన్నారా చోప్రా నటిస్తోంది. తాజాగా ఈ మూవీ యూనిట్ షూటింగ్ కోసం దుబాయ్ వెళ్లింది. కొన్ని పాటల చిత్రీకరణ కోసం దుబాయ్ షెడ్యూల్ ను ప్లాన్ చేయగా.. బయలుదేరే ముందు మన్నారా కాలికి గాయమైంది. అయినా సరే తన కారణంగా షూటింగ్ డిస్టర్బ్ కావడం ఇష్టం లేని మన్నారా.. గాయంతోనే దుబాయ్ బయల్దేరేసింది.

ఫ్లైట్ లోను - కాక్ పిట్ పైలట్ సీట్ లో కూర్చున్న ఫోటోలను తనే షేర్ చేసింది మన్నారా చోప్రా. అయితే ఇది ఫ్లైట్ ల్యాండ్ కాకముందు దిగినవా, ల్యాండ్ అయ్యాక దిగిన ఫోటోలా అనే డిస్కషన్ నడుస్తోంది. చుట్టారా అట్మాస్ఫియర్ చూస్తే దుబాయ్ లో ల్యాండ్ అయ్యాక దిగినవే అంటున్నారు చాలామంది. అలా అయినా సరే కాక్ పిట్ లోకి అనుమతించడం నేరమే.