ఆలీ ఇచ్చే ఇఫ్తార్ వాళ్లకే పరిమితం

కమెడియన్ ఆలీ ఈ మధ్య అన్నీ చెడు సంఘటనల్లోనే వార్తల్లో నానాడు. మహిళలపై ఆలీ చేస్తున్న కామెంట్స్ దారుణంగా ఉంటున్నాయనే కామెంట్స్ ఎక్కువయ్యాయి. యూట్యూబ్ ను బేస్ చేసుకుని ఆలీని తిట్టిపోసిన సంఘటనలు కూడా ఉన్నాయి. అయితే.. ఆయా హీరోయిన్లు మాత్రం ఈ కమెడియన్ మంచితనాన్ని వేనోళ్ల పొగిడారు. నవ్వించేందుకే తప్ప మనసులో వేరే దురుద్దేశ్యం ఉండదని చెప్పినా.. ఇలాంటి విషయాల్లో ఈ మధ్య ఆలీ బాగా తగ్గిన మాట వాస్తవమే. ఇదిలా ఉంటే ఆలీ మంచి మనసు గురించి బయట చాలా తక్కువ మందికి తెలుసని చెప్పాలి.

ప్రస్తుతం రంజాన్ మాసం నడుస్తోంది. ఈ పవిత్ర రంజాన్ మాసంలో సాధారణంగా సెలబ్రిటీలు ఇఫ్తార్ విందులు ఇస్తూ ఉంటారు. ఇవన్నీ తమ తోటి సెలబ్రిటీలకే అయి ఉంటాయి. కానీ ఆలీ మాత్రం ఇందుకు పూర్తిగా విభిన్నం. ఈ నెలలో ప్రతీ ఏటా ఆలీ తప్పకుండా ఇఫ్తార్ విందు ఇస్తూ ఉంటాడు. అది కూడా చాలా పెద్దస్థాయిలో అరేంజ్ చేస్తాడు. కేవలం పేద పిల్లలు.. లేని వారికోసమే ఈ ఇఫ్తార్ ను ఏర్పాటు చేయడం విశేషం. ఇవాళ అంటే జూన్ 26న ఆలీ ఇచ్చే ఇఫ్తార్ పార్టీ జరగనుంది. ఇలాంటి విషయాల్లో అందరికీ భిన్నంగా వ్యవహరించే ఆలీ.. ఆదర్శనీయుడు అనే చెప్పాలి.