తారక్ తో లక్కీ కమెడియన్

టాలీవుడ్ లో ప్రస్తుతం ప్రతి రంగంలో కొత్త వారికి అవకాశాలు అందుతున్నాయి. కాస్త టాలెంట్ ఉంటె చాలు మాన స్టార్ హీరోల నుంచి మంచి సపోర్ట్ అందుతోంది. ప్రజెంట్ ఎక్కువగా ఒక కమెడియన్ మంచి గుర్తింపు తెచ్చుకుంటున్నాడు. అతను ఎవరో కాదు రంగస్థలం సినిమా ద్వారా మంచి క్రేజ్ అందుకున్న జబర్దస్త్ మహేష్. రామ్ చరణ్ పక్కన అతను చేసిన పాత్ర అందరికి ఈజీగా కనెక్ట్ అవ్వడంతో మహేష్ పేరు వైరల్ అవుతోంది

ఎక్కడికెళ్లినా ప్రముఖ నటీనటులు అతన్ని పలకరిస్తూ ప్రశంసలు అందిస్తున్నారు. మహేష్ మహానటి లో కూడా ఒక మంచి పాత్ర చేశాడు. అయితే మంగళవారం సినిమాకు సంబందించిన ఈవెంట్ లో పాల్గొన్న మహేష్ స్పెషల్ ఎట్రాక్షన్ గా నిలిచాడు. అదే విధంగా స్పెషల్ గెస్ట్ గా వచ్చిన జూనియర్ ఎన్టీఆర్ మహేష్ ని పక్కన కుర్చోబెట్టుకొని మాట్లాడడం చూసి అందరూ ఆశ్చర్యపోయారు.

మహేష్ రంగస్థలం నటించిన తీరును మెచ్చుకున్నా తారక్ కొన్ని విషయాల గురించి చర్చించాడట. అలాగే మహానటి పాత్ర గురించి మాట్లాడి త్వరలో మళ్లీ కలుద్దామని గుడ్ బాయ్ చెప్పేశారట. ప్రస్తుతం తారక్ - మహేష్ కూర్చున్న ఫొటో సోషల్ మీడియాలో వైరల్ గా మారింది. ఇక నాగ్ అశ్విన్ తెరకెక్కించిన మహానటి సినిమా ఈ నెల 9న రిలీజ్ కాబోతోన్న సంగతి తెలిసిందే.