ఆయుధాలతో రెడీ.. కమెడియన్ కామెంట్స్

జల్లికట్టు ఎపిసోడ్ కారణంగా.. కోలీవుడ్ సినీ తారల్లో ప్రతీ ఒక్కరు చేసే కామెంట్స్ హాట్ టాపిక్ అయిపోతున్నాయి. సోషల్ మీడియాలో సెలబ్రిటీలు చేసే ప్రతీ కామెంట్ ను పట్టి పట్టి చూస్తున్నారు జనాలు. తాజాగా కమెడియన్ వివేక్ చేసిన కామెంట్స్ ఓ రకంగా సెన్సేషన్ సృష్టించేశాయి.

యువత ఆయుధాలు చేత బట్టడానికి రెడీ అని ట్వీట్ పెట్టడంతో.. ఒక్కసారిగా అందరూ ఉలిక్కి పడ్డారు. అయితే.. వివేక్ చేసిన మొత్తం ట్వీట్ చదివితే కానీ అసలు విషయం అర్ధం కాదు. 'ఇప్పుడు యువత ఆయుధాలు చేబట్టేందుకు సిద్ధంగానే ఉన్నారు. కానీ అవి మీరంతా భావిస్తున్నట్లుగా వారు చేపట్టాలని భావిస్తున్న ఆయుధాలు.. మనుషుల ప్రాణాలు తీసే మారణాయుధాలు కాదు. పలుగు.. గడ్డపార.. చెలకపార.. కత్తి వంటి ఆయుధాలను చేతుల్లోకి తీసుకునేందుకు సిద్ధమవుతున్నారు' అన్నాడు వివేక్

'చెరువులు.. కుంటల్లో పూడికలు తీసి.. మొక్కలు నాటాలని యువత'కు పిలుపునిచ్చాడు వివేక్. సెన్సేషన్ తో స్టార్ట్ చేసి.. సందేశంతో ముగించిన వివేక్ ట్వీట్.. ఇప్పుడు సోషల్ మీడియాలో హాట్ టాపిక్ అవుతోంది. అది బాలేదు.. ఇది సరిగా లేదు అని ఫిర్యాదులు చేయడమే కాదు.. సమాజాన్ని బాగు చేసుకోవడంలో యువత భాగస్వామ్యం ఉండాలని వివేక్ చెప్పిన తీరును ప్రశంసించాల్సిందే.

Like Us on Facebook : https://www.facebook.com/Tupakidotcom/