శంకరాభరణం కామెడీలో ఇదే హైలైట్

కామెడీకి కేరాఫ్ అడ్రస్, ట్యాలెంట్ కి నిలువెత్తు నిర్వచనం తానే అంటూ.. రైటర్ కోన వెంకట్ తెగ చెప్పారు కాని.. లాజిక్‌ లేకుండా శంకరాభరణం లో ఆయన యాడ్‌ చేసిన పాయింట్లు మాత్రం కాస్త తేడా కొట్టేశాయ్‌. అది ఏ రేంజులో అంటే.. ఏకంగా జనాలు సినిమాను నానా విధాలుగా విశ్లేషిస్తూ.. బీభత్సమైన కామెడీ చేసేస్తున్నారు. రిలీజ్‌ రోజునే నెగెటివ్‌ టాక్‌ రావడానికి ఇదే కారణం.

ఓ లాజిక్కూ గట్రా ఏం లేకుండా, ఒరిజినల్ ని పాడు చేసేసి, అందులో ఫీల్ ని చంపేసి చెత్త ఏరుకొచ్చేసి తీసేసిన శంకరాభరణం ఫేట్.. ఇప్పటికే డిసైడ్ అయిపోయింది. సినిమాలోని అతి పెద్ద కామెడీ విషయానికొస్తే.. ఈ సినిమా నేటివిటీ ప్రకారం స్టోరీ అంతా బిహార్ లోనే సాగుతుంది. అందుకు తగ్గట్లుగానే కేరక్టర్లకి హాపీ ఠాకూర్, రజ్జో ఠాకూర్ అంటూ పేర్లు పెట్టాడు. కానీ హీరో సొంతం చేసుకోవాలని అనుకునే ఇంటికి మాత్రం.. ఏ మాత్రం ఆలోచించకుండానే శంకరాభరణం అంటూ తెలుగు పదాన్ని ఎలా పేరు పెట్టాడన్నది అర్ధం కాని విషయం.