'కమర్షియల్' డైరెక్టర్ స్క్రిప్టును డెవలప్ చేస్తున్నాడా..?

ప్రస్తుతం టాలీవుడ్ ఇండస్ట్రీలో మంచి కామెడీ ఎంటర్టైన్మెంట్ సినిమాలను తెరకెక్కించే అతికొద్ది మందిలో దర్శకుడు మారుతీ ఒకరు. మారుతీ తెరకెక్కించే ప్రతీ సినిమాలో మినిమం కామెడీ గ్యారంటీ అన్నట్లుగా ఉంటాయి సినిమాలు. మొదటి నుండి కూడా ఈ దర్శకుడు ఫ్యామిలీ ఆడియన్స్ దృష్టిలో పెట్టుకొని తెరకేక్కిస్తూ వస్తున్నాడు. ఇప్పటివరకు టాలీవుడ్ ఇండస్ట్రీలో ట్రెండింగ్ లో ఉన్నటువంటి యంగ్ హీరోస్ అందరితో మారుతీ సినిమాలు చేసాడు. చివరిగా సాయిధరమ్ తేజ్ హీరోగా 'ప్రతిరోజూ పండగే' అనే సినిమాతో డీసెంట్ హిట్ అందుకున్నాడు. ప్రస్తుతం తదుపరి సినిమా పక్కా కమర్షియల్ స్క్రిప్ట్ పై ఫోకస్ పెట్టినట్లు తెలుస్తుంది. ప్రస్తుతం కరోనా వైరస్ మహమ్మారి కారణంగా మారుతి విరామంలో ఉన్నాడు.

టాలీవుడ్ హ్యాండ్సమ్ హీరో గోపీచంద్ హీరోగా మారుతీ 'పక్కా కమర్షియల్' సినిమా రూపొందిస్తున్నాడు. ఫస్ట్ సిట్టింగ్ లోనే గోపీచంద్ మారుతీ స్క్రిప్ట్ కు ఇంప్రెస్స్ అయిపోయి వెంటనే సినిమాను ఓకే చేసాడు. ఈ సినిమాకు 'పక్కా కమర్షియల్' అనే టైటిల్ తో సినిమా కొంచం అటెన్షన్ క్రియేట్ చేసాడు మారుతీ. ఫుల్ లెన్త్ ఎంటర్టైనర్‌ గా తెరకెక్కనున్న ఈ సినిమాలో హీరో గోపీచంద్ న్యాయవాదిగా నటించనున్నాడు. అయితే కరోనా మహమ్మారి కారణంగా అందరూ ఇంటిపట్టునే ఉండటంతో మారుతీ ప్రస్తుతం పక్కా కమర్షియల్ స్క్రిప్ట్ డెవలప్ చేస్తున్నట్లు సమాచారం. మారుతీ సినిమా అంటే ప్రేక్షకులలో మినిమం అంచనాలు ఉంటాయి.. మరి గోపీచంద్ తో ఎలాంటి ఫన్ క్రియేట్ చేస్తాడో చూడాలి. జిఏ2 పిక్చర్స్, యూవి క్రియేషన్స్ సంయుక్తంగా ఈ 'పక్కా కమర్షియల్' ఎంటర్టైనర్ ను నిర్మించనున్నాయి. ఓవైపు గోపీచంద్ హీరోగా నటించిన స్పోర్ట్స్ మూవీ సీటిమార్ విడుదలకి సిద్ధంగా ఉంది.