ఎవ‌రు ఈ భామ గుర్తు ప‌ట్టండి

క‌రోనా వైర‌స్ ప్ర‌పంచాన్ని గ‌జ‌గ‌జ ఒణికిస్తున్న సంగ‌తి తెలిసిందే. చైనా నుంచి అన్ని దేశాల‌కు ఈ ప్రాణాంత‌క వైర‌స్ దిగుమ‌తి అయిపోతుండ‌డంతో ప్ర‌జ‌లు భ‌యాందోళ‌న‌లు వ్య‌క్తం చేస్తున్నాయి. అన్ని విమానాశ్ర‌యాల్లో రెడ్ అలెర్ట్ కొన‌సాగుతోంది. అయినా కేవ‌లం ఇండియాలోనే వంద‌లాది అనుమానిత కేసుల్ని డాక్ట‌ర్ల బృందం చెక్ చేస్తుండ‌డం ఆందోళ‌న క‌లిగిస్తోంది. చైనా వూహాన్ నుంచి ప‌లువురు తెలుగు వాళ్లను ఇండియాకి ర‌ప్పించేందుకు ప్ర‌య‌త్నాలు సాగుతున్నాయి.

ఇదిలా ఉంటే ఇప్ప‌టికే టాలీవుడ్ స‌హా ప‌లు సౌత్ సినిమాల విదేశీ షెడ్యూల్స్ ని రీషెడ్యూల్ చేసుకోవాల్సిన ప‌రిస్థితి త‌లెత్తింది. విదేశీ షెడ్యూల్స్ ని వాయిదా వేసుకున్న వారి జాబితాలో కింగ్ నాగార్జున‌... క‌మ‌ల్ హాస‌న్.. రానా .. బ‌న్ని పేర్లు వినిపించాయి.

ఇక క‌రోనా భ‌యంతో బాలీవుడ్ అందాల క‌థానాయిక ఎలా మాస్క్ వేసుకుందో చూశారు క‌దా! ఇంత‌కీ ఈ భామ ఎవ‌రై ఉంటారో ఊహించండి. కాస్త బొద్దుగా ముద్దుగా ఉన్న ఈ వ‌య్యారి భామ ప్ర‌స్తుతం సైనా నెహ్వాల్ బ‌యోపిక్ లో న‌టిస్తోంది. శ్ర‌ద్ధా క‌పూర్ ని తొల‌గించి మ‌రీ ద‌ర్శ‌క‌నిర్మాత‌లు ఈ అమ్మ‌డికి అవ‌కాశం ఇచ్చారు. టెన్నిస్ క్రీడాకారిణిగా త‌న‌ని తాను మ‌లుచుకునేందుకు ప్రాక్టీస్ చేస్తూ చాలానే చెమ‌టోడ్చింది ఈ బ్యూటీ. ఇంత‌కీ ఎవ‌రై ఉంటారు? అంటే.. ఇంకెవ‌రు.. బాలీవుడ్ నాయిక‌ ప‌రిణీతి చోప్రా. ఈ ఫోటోని సోష‌ల్ మీడియా ఇన్ స్టాలో షేర్ చేసి ``క‌రోనా వైర‌స్ నుంచి జాగ్ర‌త్త‌గా సేఫ్ గా ఉండండి`` అంటూ సందేశం ఇచ్చింది బేబీ. ఇలా చెబుతున్నందుకు విచారంగా ఉన్నా స‌న్నివేశం అలా ఉంద‌ని ముక్తాయించింది.