జై లవ కుశపై కాపీ ఆరోపణలు

ఎన్టీఆర్ లేటేస్ట్ మూవీ జై లవ కుశ.. సూపర్ స్పీడ్ లో షూటింగ్ జరుపుకుంటోంది. ఈ మూవీ కాస్టింగ్ కూడా ఇంకా పూర్తిగా ప్రకటించలేదు కానీ.. అప్పుడే కాపీ ఆరోపణలు మాత్రం వచ్చేస్తున్నాయి. ఓ దశాబ్దం క్రితం అజిత్ నటించిన వరలారు చిత్రం ఆధారంగా.. ఇన్ స్పిరేషన్ తీసుకుని బాబీ రాసుకున్న కథే జై లవ కుశ అంటున్నారు.

వరలారు చిత్రంలో హీరో ట్రిపుల్ యాక్షన్ చేస్తాడు. తండ్రి.. ఇద్దరు కవలలుగా అజిత్ నటించాడు. కవలల్లో ఒక పాత్ర విలన్ గా మారుతుంది. ఇదే సినిమా థీమ్ ఆధారంగా కొత్త కేరక్టరైజేషన్ తో దర్శకుడు బాబీ.. ఎన్టీఆర్ కి కథ చెప్పి ఒప్పించాడని తెలుస్తోంది. జై లవ కుశ ను రీమేక్ అని గానీ.. ఇన్ స్పిరేషన్ అని గానీ అనాలన్నది లేటెస్ట్ టాక్. వరలారులో హీరో చేసే రోల్స్ లో ఒకటి క్లాసికల్ డ్యాన్సర్ కాగా.. ఆ పాత్ర విషయంలో బాబీ తన స్టైల్ మేకింగ్ చూపించబోతున్నాడట. ఎన్టీఆర్ మాస్ ఇమేజ్ కు తగినట్లుగా ఈ పాత్ర సెన్సేషనల్ గా ఉండబోతోందని తెలుస్తోంది.

అయితే.. ఇదంతా జస్ట్ మూడు పాత్రలు అన్న థీమ్ ఆధారంగా ఈ టాక్ అంతా వచ్చిందంతే. ఇదే వాస్తవం అనేందుకు ఆధారాలేమీ లేవు. మరి బాబీ ఈ విషయంలో ఎలా స్పందించనున్నాడో చూడాలి.

Like Us on Facebook : https://www.facebook.com/Tupakidotcom/