'వకీల్ సాబ్' కోర్టులో హైలైట్ కానున్నాడా..??

పవర్ స్టార్ పవన్ కళ్యాణ్ హీరోగా నటిస్తున్న తాజా చిత్రం 'వకీల్ సాబ్'. ఈ సినిమాను శ్రీ వెంకటేశ్వర క్రియోషన్స్ బ్యానర్ పై దిల్ రాజు నిర్మిస్తుండగా బాలీవుడ్ నిర్మాత బోనీకపూర్ సహ నిర్మాతగా వ్యవహరిస్తున్నారు. శృతిహాసన్ గెస్ట్ అప్పీరియన్స్ ఇస్తుండగా నివేదా థామస్, అంజలి, అనన్య నాగల్ల, ప్రకాశ్ రాజ్ ముఖ్య పాత్రల్లో నటిస్తున్నారు. ఇక ఈ సినిమాతో పవన్ కళ్యాణ్ రెండేళ్ళ తర్వాత రీఎంట్రీ ఇస్తున్న సంగతి తెలిసిందే. ఈ సినిమా అమితాబ్ బచ్చన్ నటించిన పింక్ సినిమాకి అఫీషియల్ రీమేక్ గా రూపొందిస్తున్నారు. కోలీవుడ్ లోను అజిత్ హీరోగా ఈ సినిమా సూపర్ హిట్ సొంతం చేసుకుంది. వేణు శ్రీరాం దర్శకత్వంలో తెరకెక్కుతున్న ఈ సినిమా దాదాపు టాకీ పార్ట్ కంప్లీట్ చేసుకుంది. ఒక సాంగ్ కొన్ని సీన్స్ మాత్రమే బ్యాలెన్స్ ఉన్న ఈ సినిమాకి పోస్ట్ ప్రొడక్షన్స్ కార్యక్రమాలన్ని కలిపి ఒక నెల వర్క్ మాత్రమే బ్యాలెన్స్ ఉందట.

లాక్ డౌన్ తర్వాత బ్యాలెన్స్ వర్క్ కంప్లీట్ చేసి రిలీజ్ చేయాలని మేకర్స్ సన్నాహాలు చేస్తున్నారట. అయితే ఈ సినిమాలో పవన్ కళ్యాణ్ ఓ లాయర్. ముగ్గురు అమ్మాయిలను ఓ పెద్ద కేస్ నుండి తప్పించే లాయరుగా పవన్ కనిపిస్తాడట. అయితే ఆ ముగ్గురు అమ్మాయిలకు ఆ కేసుకి సంబంధం ఉండదట. సామాన్యంగా సామాజిక అంశాల పై పోరాడే పవన్ సినిమాలో లాయరుగా తన విశ్వరూపం చూపించడానికి సమాచారం. ముఖ్యంగా ఈ సినిమాలో కోర్టు సన్నివేశాలు పతాక స్థాయిలో ఉండబోతున్నాయట. అందులో లాయరుగా పవన్ వాదించే తీరు అదిరిపోతుందని అంటున్నారు. ఇదిలా ఉండగా పవన్ కళ్యాణ్ వకీల్ సాబ్ తర్వాత సినిమాలను కూడా లైన్లో పెట్టిన విషయం విధితమే. దీని తర్వాత క్రిష్ దర్శకత్వంలో పీరియాడిక్ మూవీ, ఆ తర్వాత హరీష్ శంకర్ తో మరో మూవీ ఉన్నాయి. చూడాలి మరి పవన్ హీరోయిజం ఏ రేంజిలో చూపిస్తారో..!