క్రాక్ 'కటారి కృష్ణ' పాత్ర అంతక్రూరంగా ఉండబోతుందా..??

మాస్ మహారాజ్ రవితేజ నటించిన మాస్ మసాలా సినిమా 'క్రాక్'. రవితేజ ఈ సినిమాలో పవర్ ఫుల్ పోలీస్ ఆఫీసర్ గా నటించాడు. ట్రైలర్ చూస్తేనే అర్ధం చేసుకోవచ్చు. సినిమాలో రవితేజ పాత్ర ఎలా డిజైన్ చేసారనేది. అయితే హీరో పాత్ర గురించి పక్కన పెడితే.. ఈ సినిమాలో విలన్ పాత్రతో పాటు మిగతా పాత్రలు నిజజీవితంలో ఎదురుపడిన క్యారెక్టర్ల నుండి రూపొందించామని చెప్పుకొచ్చాడు క్రాక్ డైరెక్టర్ గోపీచంద్ మలినేని. తను పుట్టి పెరిగిన ఒంగోలు గడ్డమీద చూసిన క్యారెక్టర్ లతో ఈ సినిమా స్టోరీ కూడా రన్ అవుతుందని తెలిపాడు. తాజాగా ఈ సినిమా నుండి విలన్ పాత్రను పరిచయం చేస్తూ ఓ థీమ్ సాంగ్ విడుదల చేశారు మేకర్స్.

క్రూరమైన కటారి కృష్ణ పాత్రలో తమిళ నటుడు సముద్రఖని నటించాడు. సాంగ్ చూస్తే ఎంత క్రూరమైనవాడో అర్ధమవుతుంది.కటారి కృష్ణగా సముద్రఖని ఒదిగిపోయాడని అనిపిస్తుంది. అంతేగాక థీమ్ సాంగ్ వింటే, ముఖ్యంగా ఆ లిరిక్స్ గమనిస్తే ఏ రేంజిలో రామజోగయ్య శాస్త్రి ఎలివేట్ చేసాడో చూడొచ్చు. ఇక తమన్ సంగీతంలో క్రియేట్ చేసిన ఆ మ్యూజిక్ కూడా అదే కటారి క్యారెక్టర్ ఇతివృత్తాన్ని బయటపెడుతోంది. మరి నిజంగానే డైరెక్టర్ తన లైఫ్ లో చూసిన క్యారెక్టర్ల నుండి స్ఫూర్తి పొంది సృష్టించాడో లేదో తెలియాలంటే చూడాలి థియేటర్లలో విడుదల వరకు వెయిట్ చేయాల్సిందే.

ఇక చాలారోజుల తర్వాత మాస్ రాజా ఫుల్ మాస్ క్యారెక్టరులో కనిపించనున్నాడు. అలాగే గోపీచంద్ తో రవితేజది హ్యాట్రిక్ సినిమా. హీరోయిన్ గా శృతిహాసన్, లేడీ విలన్ గా వరలక్ష్మి శరత్ కుమార్ నటిస్తోంది. ఇప్పటికే ఫుల్ ప్రమోషన్స్ తో, సాంగ్స్, ట్రైలర్ తో హైప్ క్రియేట్ చేసిన మూవీ.. 9న థియేటర్లో ఎలా ఆడుతుందో చూడాలి.