మాస్ రాజా 'ఖిలాడి' పై క్రేజీ న్యూస్..!

టాలీవుడ్ మాస్ రాజా రవితేజ.. ఈ ఏడాది సినిమాల విషయంలో జోరు పెంచాడు. అదే జోష్ లో ప్రస్తుతం 'ఖిలాడి' అనే యాక్షన్ థ్రిల్లర్ మూవీ చేస్తున్నాడు. వరుసగా నాలుగు ప్లాప్ సినిమాల అనంతరం క్రాక్ సూపర్ హిట్ ఖాతాలో పడేసరికి మాస్ రాజా చాలా కాన్ఫిడెంట్ గా సినిమాలు లైన్ లో పెట్టేసాడు. నిజానికి ఈ ఏడాది ప్రారంభంలో కరోనాకు భయపడి హీరోలు - మేకర్స్ సినిమాలను రిలీజ్ చేసేందుకు వెనకాముందు ఆలోచిస్తున్న టైంలో క్రాక్ మేకర్స్ ధైర్యంగా సినిమా రిలీజ్ చేశారు. యాభైశాతం ఆక్క్యూపెన్సితో సినిమా రికార్డు స్థాయి వసూళ్లు సొంతం చేసుకుంది.

క్రాక్ విజయంతో తెలుగులో మిగతా సినిమాలకు కూడా ధైర్యం లభించి రిలీజ్ అయ్యాయి. పలువురు హిట్స్ కూడా అందుకున్నారు. ప్రస్తుతం దేశంలో కరోనా ఉధృతి పెరిగే సరికి ఇండస్ట్రీలో సినిమా షూటింగ్స్ నిలిచిపోయి సినిమా రిలీజ్ డేట్స్ వాయిదా పడిపోయాయి. అయితే ఇటీవలే మాస్ రాజా "ఖిలాడి" కూడా వాయిదా పడింది. సినిమా రిలీజ్ డేట్ వాయిదా వేసినట్లు ఇదివరకే మేకర్స్ అధికారికంగా ప్రకటించారు. కరోనా సమయం అయినప్పటికీ మాస్ రాజా 'ఖిలాడి' మూవీ మే 28న రిలీజ్ చేయాలనీ అనుకున్నారు. కానీ సినిమా ఇండస్ట్రీలన్ని నిలిచిపోయే సరికి ఖిలాడి కూడా వాయిదా పడింది.

అయితే తాజాగా ఖిలాడి సినిమా గురించి ఓ క్రేజీ న్యూస్ సోషల్ మీడియాలో చక్కర్లు కొడుతోంది. అదేంటంటే.. ఖిలాడి మూవీ రిలీజ్ ఎప్పుడో తెలియదు కానీ ఈ మూవీ డిజిటల్ రైట్స్ మాత్రం అమెజాన్ ప్రైమ్ వారికీ అమ్ముడైనట్లు టాక్ నడుస్తుంది. ఇది ప్రస్తుతం పుకారు మాత్రమే నిజామా కాదా అనేది క్లారిటీ రావాల్సి ఉంది. ఈ యాక్షన్ ఖిలాడి మూవీని రమేష్ వర్మ రూపొందిస్తుండగా.. డింపుల్ హయాతి - మీనాక్షిచౌదరి హీరోయిన్స్ గా నటిస్తున్నారు. ఇప్పటికే సినిమా టీజర్ ప్రేక్షకులలో భారీ అంచనాలు నెలకొల్పింది. దేవిశ్రీ ప్రసాద్ సంగీతం అందిస్తున్నాడు. చూడాలి మరి త్వరలోనే రిలీజ్ డేట్ అనౌన్స్ చేస్తారేమో.. కానీ ఇండస్ట్రీలో మాత్రం జులైలో అన్నట్లు టాక్ వైరల్ అవుతోంది.