రాజ‌మౌళి - మ‌హేష్ ల‌ SSMB29పై క్రేజీ న్యూస్‌!

రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన 'RRR' ప్ర‌స్తుతం ఇండియా వ్యాప్తంగా హాట్ ట‌పిక్ గా మారింది. గ‌త కొన్నేళ్లుగా భార‌తీయ సినీ దిగ్గ‌జాలు మ‌న సినిమా ఆస్కార్ సాధించాల‌ని క‌ల‌లు కంటూ వ‌స్తున్నారు. ఆ క‌ల‌ల‌ని రాజ‌మౌళి 'RRR' నిజం చేయ‌బోతోందా?.. ఆస్కార్ బ‌రికి కేవ‌లం అడుగుల దూరంలో వుందా? అంటే తాజాగా ఈ మూవీ సాధిస్తున్న ఇంట‌ర్నేష‌న‌ల్ అవార్డుల‌ని బ‌ట్టి చూస్తుంటే నిజ‌మేన‌నే సంకేతాలు వినిపిస్తున్నాయి. 'RRR' రీసెంట్ గా ప‌లు అంత‌ర్జాతీయ పురస్కారాల‌ని ద‌క్కించుకుంటున్న విష‌యం తెలిసిందే.

న్యూ యార్క్ ఫిల్మ్ క్రిటిక్స్ స‌ర్కిల్ అవార్డ్ వేడుక‌లో 'RRR'కు ఉత్త‌మ ద‌ర్శ‌కుడు, ఉత్త‌మ సంగీత ద‌ర్శ‌కుడు అవార్డ‌లు ద‌క్కిన విష‌యం తెలిసిందే. తాజాగా ప్ర‌తిష్టాత్మక గోల్డెన్ గ్లోబ్ -2023కి నామినేట్ కావ‌డంతో చిత్ర బృందంపై అభినంద‌న‌ల వ‌ర్షం కురుస్తోంది. ఇదిలా వుంటే ప్ర‌తిష్టాత్మ‌క‌మైన ఈ మూవీ త‌రువాత రాజ‌మౌళి సూప‌ర్ స్టార్ మ‌హేష్ బాబుతో SSMB29 ని అత్యంత భారీ స్థాయిలో తెర‌పైకి తీసుకురాబోతున్న విష‌యం తెలిసిందే.

ద‌ర్శ‌కుడు రాజ‌మౌళి ఫాద‌ర్‌, ర‌చ‌యిత విజ‌యేంద్ర ప్ర‌సాద్ ఈ మూవీకి సంబంధించిన కీల‌క విష‌యాల‌ని ఇటీవ‌ల వెల్ల‌డించ‌డం, ఈ మూవీని 'ఇండియానా జోన్స్' త‌ర‌హాలో హారీ స్థాయిలో తెర‌పైకి తీసుకురాబోతున్నామ‌ని, ఇలాంటి సినిమాని చేయాల‌ని రాజ‌మౌళి ఎంతో కాలంగా ఎదురుచూస్తున్నాడ‌ని, ఆఫ్రికా అడవుల నేప‌థ్యంలో సాగే అడ్వెంచ‌రస్ యాక్ష‌న్ ఎంట‌ర్ టైన‌ర్ గా ఈ మూవీని రూపొందించ బోతున్నామ‌ని విజ‌యేంద్ర ప్ర‌సాద్ వెల్ల‌డించిన విషయం తెలిసిందే.

అప్ప‌టి నుంచి ఈ ప్రాజెక్ట్ పై వ‌రుస క‌థ‌నాలు వినిపిస్తూనే వున్నాయి. తాజాగా ఈ మూవీకి సంబంధించిన ఓ ఆస‌క్తిక‌ర‌మైన వార్త ఫిల్మ్ స‌ర్కిల్స్ లో చ‌క్క‌ర్లు కొడుతోంది. పాన్ వ‌ర‌ల్డ్ స్థాయిలో తెర‌పైకి రానున్న ఈ మూవీలో మ‌హేష్ తండ్రి పాత్ర అత్యంత కీల‌కంగా వుంటుంద‌ని, ఈ పాత్ర‌లో బాలీవుడ్ సూప‌ర్ స్టార్ అమితాబ్ బ‌చ్చ‌న్ క‌నిపించ‌బోతున్నార‌ని, ఇక హీరోయిన్ గా దీపికా ప‌దుకునే న‌టించే అవ‌కాశం వుంద‌ని వార్త‌లు హ‌ల్ చ‌ల్ చేస్తున్నాయి.

ఇక కీల‌కమైన విల‌న్ పాత్ర‌లో బాలీవుడ్ బ్యాడ్ మెన్ సంజ‌య్ ద‌త్ విల‌న్ అంటూ కూడా ప్ర‌చారం జోరందుకుంది. అయితే తాజా విషయం ఉంటంటే ప్రీ ప్రొడ‌క్ష‌న్ వ‌ర్క్ ఇంకా స్టార్ట్ కాని ఈ మూవీకి ఆర్టిస్ట్ లేంట‌ని అంతా కామెంట్ లు చేస్తున్నారు.

ఇంత వ‌ర‌కు ఈ ప్రాజెక్ట్ కు మ‌హేష్ మిన‌హా ఏ ఆర్టిస్ట్ ల ఎంపిక జ‌ర‌గ‌లేద‌ని, వ‌చ్చే ఏడాది ఈ ప్రాజెక్ట్ కు సంబంధించిన పూర్తి వివ‌రాల‌ని మేక‌ర్స్ ప్ర‌క‌టించ‌నున్నార‌ని వార్త‌లు వినిపిస్తున్నాయి. ఈ భారీ పాన్ వ‌ర‌ల్డ్ మూవీని నిర్మాత కె.ఎల్‌. నారాయ‌ణ నిర్మించ‌బోతున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.