క్రేజీ ఆఫ‌ర్: మెగాస్టార్ కూతురిగా ర‌ష్మిక‌

న‌వ‌త‌రం క‌థానాయిక‌ రష్మిక మంద‌న సౌత్ లో క్రేజీ హీరోయిన్ గా వెలిగిపోతున్న సంగ‌తి తెలిసిందే. ఈ భామ వ‌రుస‌గా క్రేజీ హీరోల స‌ర‌స‌న అవ‌కాశాలు అందుకుంటోంది. ఇటు తెలుగు అటు త‌మిళంలో బిజీ స్టార్ గా మారింది. ప్ర‌స్తుతం బ‌న్ని స‌ర‌స‌న పుష్ప‌లో నటిస్తున్న ఈ బ్యూటీకి ఎన్టీఆర్.. చ‌ర‌ణ్ లాంటి స్టార్లు అవ‌కాశాలివ్వ‌నున్నార‌న్న ప్ర‌చారం హోరెత్తుతోంది. మ‌రోవైపు త‌మిళంలోనూ ఈ భామ రంగ ప్ర‌వేశం ఘ‌నంగా ఉండ‌నుంది.

ఇదిలా ఉండ‌గానే అటు బాలీవుడ్ లోనూ సిద్ధార్థ్ మల్హోత్రా లాంటి క్రేజీ హీరో స‌ర‌స‌న అవ‌కాశం అందుకుంది. ఇప్పుడు ఏకంగా మెగాస్టార్ అమితాబ్ బచ్చన్ తో కలిసి వికాస్ బహల్ తదుపరి దర్శకత్వం వహించే చిత్రంలో ఆఫ‌ర్ ద‌క్కించుకుని హాట్ టాపిక్ గా మారింది.

2016 లో కిరిక్ పార్టీ (కన్నడ) చిత్రంతో రంగ ప్ర‌వేశం చేసి కేవ‌లం ఈ నాలుగేళ్ల‌లోనే అసాధార‌ణ స్టార్ డ‌మ్ తో దూసుకుపోతున్న ల‌క్కీ గాళ్ గా ర‌ష్మిక పాపుల‌ర‌వుతోంది. కిరిక్ పార్టీ.. యాజ‌మాన్య‌ (కన్నడ).. గీత గోవిందం (తెలుగు) .. దేవదాస్ (తెలుగు) - స‌రిలేరు నీకెవ్వ‌రు లాంటి బ్లాక్ బ‌స్ట‌ర్ల‌లో న‌టించింది ర‌ష్మిక‌.

బాలీవుడ్ లో వికాశ్ బ‌హ‌ల్ దర్శకత్వం వహిస్తున్న స్లైస్ ఆఫ్ లైఫ్ కామెడీ చిత్రంలో ఆఫ‌ర్ ద‌క్కించుకుంది. ఇందులో అమితాబ్ బచ్చన్ కి కూతురిగా రష్మిక మంద‌న న‌టించ‌నుంది. ఈ చిత్రం తండ్రి-కుమార్తెల ఎమోష‌న‌ల్ జ‌ర్నీకి సంబంధించిన కథతో తెర‌కెక్క‌నుంది.

తాత్కాలికంగా `డెడ్లీ` అనే టైటిల్ ని నిర్ణ‌యించారు. రిలయన్స్ ఎంటర్ టైన్మెంట్ సంస్థ‌ నిర్మించే ఈ ప్రాజెక్ట్ మార్చి 2021 లో చిత్రీక‌ర‌ణ‌కు వెళ్ల‌నుంది. సిద్ధార్థ్ మల్హోత్రా ప్రధాన పాత్రలో నటిస్తున్న `మిషన్ మజ్ను` చిత్రంతో ర‌ష్మిక‌ హిందీ రంగంలో ప్ర‌వేశిస్తోంది. ఆ వెంట‌నే బిగ్ బి సినిమాలో ఛాన్స్ ద‌క్కించుకుంది.

మిష‌న్ మ‌జ్ను క‌థాంశం ఆస‌క్తికరం. 1970 నేప‌థ్యంలో పాకిస్తాన్ నడిబొడ్డున సాగే భార‌తీయ అధికారుల‌ అత్యంత సాహసోపేతమైన మిషన్ కి సంబంధించిన క‌థాంశంతో తెర‌కెక్కుతోంది. రెండు దేశాల మధ్య సంబంధాల‌పైనా ఈ మూవీలో చ‌ర్చించ‌నున్నారు. మిషన్ మజ్నులో మల్హోత్రా రా ఏజెంట్ పాత్రలో కనిపిస్తారు. ఫిబ్రవరిలో ఈ బృందం షూట్ ప్రారంభమవుతుందని భావిస్తున్నారు.