క్రేజీ పెయిర్‌! ప్ర‌యివేట్ జెట్ లో ప్రేమ విహార‌యాత్ర‌ల కోసం ల‌క్షల్లో ఖ‌ర్చు!!

న‌య‌న‌తార‌- విఘ్నేష్ శివ‌న్ జంట ప్రేమవిహార‌యాత్ర‌లు నిరంత‌రం అభిమానుల్లో హాట్ టాపిక్. ఈ జోడీ తొంద‌ర‌లోనే పెళ్లికి సిద్ధ‌మ‌వుతున్నార‌ని ఒక సెక్ష‌న్ ప్ర‌చారం చేస్తుంటే.. ఆల్రెడీ పెళ్ల‌యిపోయినా బ‌య‌ట‌కు చెప్ప‌డం లేద‌ని ఇంకో సెక్ష‌న్ సోష‌ల్ మీడియాల్లో ప్ర‌చారం చేయ‌డం తెలిసిన వ్య‌వ‌హార‌మే.

ప్ర‌తిసారీ ఈ జంట విహార‌యాత్ర‌లు ఫ్యాన్స్ లో హాట్ టాపిక్ గానే మారుతున్నాయి. ఇంత‌కుముందు హైద‌రాబాద్ శంషాబాద్ నుంచి అమెరికాకు విహార‌యాత్ర కోసం ప్ర‌యాణ‌మ‌వ్వ‌డం తెలిసిన‌దే. అమెరికాలో క్రిస్మ‌స్ వేడుక‌ల్ని జ‌రుపుకునేందుకు వెళ్లారు ప‌లుమార్లు.

ఆ త‌ర్వాత దేశంలో ఇత‌ర న‌గ‌రాల‌కు ప్ర‌యాణం కోసం ఈ జంట ప్ర‌యివేట్ జెట్ ని ఆశ్ర‌యించ‌డం .. జెట్ ప్ర‌యాణం నుంచి ఫోటోల్ని షేర్ చేయ‌డం అవి అభిమానుల్లో వైర‌ల్ అవ్వ‌డం తెలిసిందే. తాజాగా న‌య‌న్ -విఘ్నేష్ జంట మ‌రోసారి ప్ర‌యివేట్ జెట్ బుక్ చేసుకుని కొచ్చీకి విహార యాత్ర కోసం వెళ్ల‌డం అభిమానుల్లో హాట్ టాపిక్ గా మారింది. ప్ర‌తిసారీ ఈ జంట ప్ర‌యివేట్ జెట్ ని సొంత కార్ లా వాడేస్తోంది! అంటూ అభిమానుల్లో వ్యాఖ్య‌లు వినిపిస్తున్నాయి.

నిజానికి ప్ర‌యివేట్ జెట్ ఏర్పాటు అన్న‌ది ఖ‌రీదైన వ్య‌వ‌హారం.. గంట‌ల వ్య‌వ‌థిలో ప్ర‌యాణాల కోసం ల‌క్ష‌ల్లో చెల్లించాల్సి ఉంటుంది. కానీ న‌య‌న్ - విఘ్నేష్ జంట అందుకు ఏమాత్రం వెన‌కాడ‌డం లేదు. ప్ర‌తిసారీ ప్ర‌యివేట్ జెట్ లో ప్ర‌యాణాల్ని ఆస్వాధించేందుకే ఆస‌క్తిని క‌న‌బ‌రుస్తున్నారు.

ఇటీవ‌ల రాజ‌స్థాన్ లో నీహారిక కొణిదెల వివాహం కోసం మెగాస్టార్ కుటుంబం అల్లు హీరోలు ప్ర‌యివేట్ జెట్ లో ప్ర‌యాణించిన సంగ‌తి తెలిసిందే. ర‌జ‌నీకాంత్ .. క‌మ‌ల్ హాస‌న్ లాంటి స్టార్లు అరుదుగా ప్ర‌యివేట్ జెట్ ప్ర‌యాణాల్ని చేస్తుంటారు. అయితే అవ‌న్నీ రాజ‌కీయ కార్య‌క‌లాపాలు లేదా ఆక‌స్మిక ప్ర‌యాణాలే అయ్యుంటాయి. కానీ విఘ్నేష్ - న‌య‌న్ జంట మాత్రం ప్ర‌తిసారీ స‌ద‌రా విహార యాత్ర‌ల కోసం ప్ర‌యివేట్ జెట్ ని ఆశ్ర‌యించ‌డం ల‌క్ష‌ల్లో ఖ‌ర్చు చేయ‌డంపై ఆస‌క్తిక‌ర చ‌ర్చ సాగుతోంది.