పుష్ప రిలీజ్ పై క్రేజీ అప్డేట్..!

ప్రస్తుతం కరోనా కారణంగా టాలీవుడ్ సినిమాలన్ని విడుదల తేదీలను వాయిదా వేసుకుంటున్నాయి. ఎందుకంటే షూటింగ్స్ అనుకున్న షెడ్యూల్లో జరిగితే ఇదివరకు ప్రకటించిన తేదీలలో సినిమాలు రిలీజ్ అయ్యేవి. కానీ ఓవైపు కరోనా విలయతాండవం చేస్తుండటంతో జనాలంతా ప్రాణాలు గుప్పిట్లో పెట్టుకొని బ్రతుకుతున్నారు. అలాగే మేకర్స్ కూడా అన్ని సర్దేసి ఎవరిళ్లకు వారు చేరుకున్నారు. ఇలాంటి తరుణంలో సినిమా రిలీజ్ గురించి మాట్లాడుకోవడం కరెక్ట్ కాదని అందరూ సైలెంట్ అయిపోయారు. కానీ సినిమాలకు సంబంధించిన రూమర్స్ మాత్రం మేకర్స్ చెప్పకపోయినా వైరల్ అవుతూనే ఉంటాయి. ప్రస్తుతం స్టైలిష్ స్టార్ అల్లు అర్జున్ - సుకుమార్ కాంబినేషన్ లో పుష్ప సినిమా తెరకెక్కుతున్న విషయం తెలిసిందే.

అయితే పాన్ ఇండియా సినిమాగా రూపొందుతున్న పుష్ప సినిమాను ఇదివరకు మేకర్స్.. ఈ ఏడాది ఆగష్టు 13న రిలీజ్ చేయనున్నట్లు అధికారికంగా ప్రకటించారు. కానీ ప్రస్తుతం పరిస్థితులు అనుకూలంగా లేవు కాబట్టి సినిమాను వాయిదా వేసే ఆలోచనలో ఉన్నట్లు టాక్ నడుస్తుంది. అదికూడా పుష్ప సినిమాను మేకర్స్ డిసెంబర్ నెలకు షిఫ్ట్ చేస్తున్నారని.. ఒకవేళ ఇప్పడు రిలీజ్ కు సిద్ధంగా ఉన్నటువంటి సినిమా కరెక్ట్ టైంకు రిలీజ్ అయితే మాత్రం పుష్ప.. దసరాకు వచ్చే అవకాశం ఉందని పుకార్లు వైరల్ అవుతున్నాయి. మరికొన్ని కథనాలేమో పుష్ప వచ్చే ఏడాది సంక్రాంతికి రాబోతుందని చెబుతున్నాయి. మరి అసలు విషయం తెలియాలంటే.. మేకర్స్ స్పందించే వరకు వెయిట్ చేయాల్సిందే. ఈ సినిమాలో రష్మిక మందన హీరోయిన్ కాగా మైత్రి మూవీ మేకర్స్ సినిమాను నిర్మిస్తున్నారు.