క్రేజీ అప్డేట్: ఆ విషయంలో పుష్ప సీక్వెల్ అసలు తగ్గేదే..లేదట!

టాలీవుడ్ స్టైలిష్ స్టార్ అల్లు అర్జున్ - స్టైలిష్ చిత్రాల దర్శకుడు సుకుమార్ కాంబినేషన్ లో పుష్ప అనే భారీ చిత్రం రూపొందుతున్న విషయం తెలిసిందే. సుకుమార్ - అల్లు అర్జున్ క్రేజీ కాంబోలో మూడో చిత్రం కాబట్టి అల్లు ఫ్యాన్స్ లో అంచనాలు ఓ రేంజిలో నెలకొన్నాయి. పక్కాగా పుష్ప చిత్రంతో సుక్కు - బన్నీ హ్యాట్రిక్ హిట్ అందుకుంటారని ఎక్సపెక్ట్ చేస్తున్నారు. అయితే ఈ సినిమాలో అల్లు అర్జున్ చిత్తూరు యాస మాట్లాడుతూ నెరిసిన గడ్డంతో పక్కా మాస్ లారీ డ్రైవర్ గా కనిపించనున్నాడు. పాన్ ఇండియా చిత్రంగా ఈ సినిమాను మైత్రి మూవీ మేకర్స్ - ముత్తంశెట్టి మీడియా వారు భారీ బడ్జెట్ తో నిర్మిస్తున్నారు.

ఈ సినిమాలో బన్నీ సరసన బెంగుళూరు మోస్ట్ డిజైరబుల్ బ్యూటీ రష్మిక మందన హీరోయిన్ గా నటిస్తోంది. ఆల్రెడీ అదిరే లుక్ తో అంచనాలు పెంచేసిన అల్లు అర్జున్ - సుక్కు కాంబినేషన్ అభిమానులకు మరో భారీ ట్రీట్ సిద్ధం చేయనున్నట్లు టాక్. ఇదివరకే పుష్పారాజ్ ఇంట్రడక్షన్ వీడియోతో సందడి చేసేసారు. ఇప్పటికి ఆ వీడియో సోషల్ మీడియాలో హల్చల్ చేస్తోంది. అయితే ఈ సినిమాను రెండు భాగాలుగా రూపొందించనున్న సంగతి విదితమే. ఈసారి పుష్ప ఫస్ట్ పార్ట్ లోనే యాక్షన్ ఏ రేంజిలో ఉండబోతుందో టీజర్ తో హింట్ ఇచ్చారు. అంటే మరి సెకండ్ పార్ట్ లో ఏ రేంజిలో ఉండాలో ఆలోచన చేయాల్సి ఉంది.

కానీ పుష్ప సెకండ్ పార్ట్ యాక్షన్ ఊహలకు అందదని అంటున్నారు మేకర్స్. ప్రస్తుతం పుష్ప ఫస్ట్ పార్ట్ చివరిదశలో ఉంది. అలాగే కేవలం ఓ ఐటమ్ సాంగ్ మాత్రమే మిగిలి ఉందని టాక్. మరి మేకర్స్ ఇప్పటినుండి పుష్ప సీక్వెల్ పై దృష్టి పెట్టాల్సిన అవసరం ఉంది. అందుకే మేకర్స్ సీక్వెల్ కోసం భారీ యాక్షన్ సీక్వెన్స్ డిజైన్ మొదలు పెట్టారని సమాచారం. పాన్ ఇండియా సినిమా అన్నప్పుడే యాక్షన్ తో పాటు స్టోరీ కూడా ఏ రేంజిలో ఉండాలో అర్ధమవుతుంది. సో మళ్లీ సీక్వెల్ కాబట్టి అంచనాలు కూడా సీక్వెల్ అన్నట్లే డబుల్ అవుతాయి. మరి సుక్కు బృందం ఎలాంటి భారీ ప్లాన్స్ వేస్తున్నారో తెలియాల్సి ఉంది.