'విజయ్-సుక్కు' కాంబో పై క్రేజీ అప్డేట్.. స్టోరీ లైన్ అదేనా..??

టాలీవుడ్ ఇండస్ట్రీలో పెళ్లిచూపులు సినిమాతో తెలుగు ప్రేక్షకులను తనవైపు తిప్పుకున్నాడు హీరో విజయ్ దేవరకొండ. ఆ తర్వాత ‘అర్జున్ రెడ్డి’ సినిమాతో ఒక్కసారిగా సంచలనం సృష్టించి స్టార్డం సొంతం చేసుకున్నాడు. అద్భుతమైన నటనతో కుర్రకారును తెలుగుతో పాటు అన్ని ఇండస్ట్రీలను తనవైపు లుక్కేసేలా చేసాడు. అర్జున్ రెడ్డి అనేది టాలీవుడ్ లో ఓ ట్రెండ్ సెట్టర్ అనే చెప్పాలి. ఎందుకంటే ఒక్కసారిగా తెలుగులో ఉన్న హద్దులను చేరిపేసింది. డైరెక్టర్స్, ప్రొడ్యూసర్స్ కొత్తగా ఆలోచించడానికి రూట్ క్రియేట్ చేసింది. అయితే అర్జున్ రెడ్డి అనే మైలురాయి తర్వాత గీతగోవిందం అనే సినిమా డీసెంట్ హిట్ అందుకున్నాడు విజయ్. కానీ ఆ తర్వాత తన స్టార్డం నిలబెట్టుకోలేకపోయాడు. ఒక్కసారిగా వరల్డ్ ఫేమస్ లవర్ సినిమాతో ప్లాప్ అందుకున్నాడు.

కానీ ప్లాప్ పడినా విజయ్ క్రేజ్ మాత్రం తగ్గలేదు. అందుకే స్టార్ డైరెక్టర్స్ సైతం విజయ్ తో సినిమాలు చేసేందుకు రెడీ అవుతున్నారు. రౌడీహీరో ప్రస్తుతం డాషింగ్ డైరెక్టర్ పూరీ జగన్నాథ్ దర్శకత్వంలో లైగర్ సినిమా చేస్తున్నాడు. బాక్సింగ్ నేపథ్యంలో తెరకెక్కుతున్న ఈ సినిమా ఈ ఏడాది సెప్టెంబర్ నెలలో విడుదల కాబోతుంది. ఇదిలా ఉండగా.. స్టార్ డైరెక్టర్ సుకుమార్ విజయ్ తో సినిమా తీయనున్న సంగతి తెలిసిందే. అందుకే పుష్ప సినిమాకు ముందే విజయ్ తో సినిమా ఉంటుందని ప్రకటించాడు. తాజాగా విజయ్ ని కలిసి స్టోరీ లైన్ కూడా వినిపించడం జరిగిందట. విజయ్ తో సుకుమార్ ఏదో క్రేజీ స్టోరీ ప్లాన్ చేసినట్లు ఇండస్ట్రీ వర్గాలలో టాక్ నడుస్తుంది. కానీ పలు కథనాల ఆధారంగా విజయ్ సుకుమార్ సినిమా ఓ యుద్ధం నేపథ్యంలో తెరకెక్కనుందని సమాచారం. ప్రస్తుతం సుకుమార్ పుష్ప కంప్లీట్ చేసాక విజయ్ స్క్రిప్ట్ పై వర్క్ చేయనున్నాడు. కానీ అంతకుముందు ఓ స్టార్ హీరోతో సినిమా తీసే ఆలోచనలో ఉన్నాడట. అలాగే విజయ్ కూడా లైగర్ తర్వాత శివ నిర్వాణతో ఓ సినిమా చేస్తాడని టాక్. చూడాలి మరి సుక్కు విజయ్ ల మూవీ ఎప్పుడు పట్టాలెక్కుతుందో..!