శృతి.. రాంగ్ సౌండింగ్ అంటున్నారే

శృతిహాసన్‌ కు సౌత్ లోనూ అటు నార్త్ లోనూ మంచి ఫ్యాన్ ఫాలోయింగ్ ఉంది. కెరీర్ మొదటిలో హిట్లు లేకపోయినా తన అందంతో అందరినీ కట్టిపడేసింది. పవన్ కల్యాణ్ గబ్బర్ సింగ్ సినిమాతో కెరియర్ ఒక గాడిలో పడింది.. కాని మళ్ళీ ఇప్పుడు శృతికి కష్టకాలం వచ్చినట్లు ఉంది. ఏ సినిమా చేసినా తనను మాత్రమే స్పెషల్ గా వేలెత్తి చూపిస్తున్నారు.

తన తాజా బాలీవుడ్ చిత్రం 'బెహన్‌ హోగీ తేరీ' అనే హింది సినిమా ఈరోజు విడుదలకానుంది. సినిమా మొదట షూటింగ్ చేస్తున్నప్పుడు రాజ్ కుమార్ రావు కాకుండా ఇంకెవరైనా హీరోగా చేస్తే బాగుంటుంది అని అన్నారు. రాజ్ కుమార్ మంచి నటుడే కానీ క్రేజ్ ఉన్న నటుడు కాదు కాబట్టి అలాంటి కామెంట్స్ వినిపించాయ్. ఈ కామెడీ సినిమా ట్రైలర్ అందరినీ బాగానే ఆకట్టుకుంది. కాకపోతే ఈ సినిమా ప్రీమియర్స్‌ నుంచి వస్తోన్న రివ్యూలు చూస్తే శృతికి రాంగ్ సౌండింగ్ వినిపిస్తోంది.

'బెహన్‌ హోగీ తేరీ' చిత్రంలో రావు అద్భుతంగా నటించాడని శృతిహాసన్‌ మాత్రం అతనుకు ధీటుగా నటించలేక పోయింది అని ఆమె కాకుండా వేరే ఎవరినైనా పెడితే సినిమా పక్కా హిట్ కొట్టేది అనే మాటలు వినపడుతున్నాయి. మన తెలుగు లో ప్రేమమ్ సినిమా చేసినప్పుడు కూడా ఇదే విధంగా చాల విమర్శలు ఎదుర్కొంది శృతి. ఆ తరువాత వచ్చిన తన లక్కీ స్టార్ పవన్ సినిమా కాటమరాయుడుకు అదే రిపీట్ అయ్యింది. ఇప్పుడు 'బెహన్‌ హోగీ తేరీ' లోకూడా అందరూ అదే మాట వినిపిస్తే మాత్రం.. శృతి బాగా ఎక్కువగా జాగ్రత్తపడాల్సిందే.

Like Us on Facebook : https://www.facebook.com/Tupakidotcom/