నెట్టింట వైరల్ అవుతున్న స్టార్ హీరోయిన్ క్యూట్ పిక్!

టాలీవుడ్ ఇండస్ట్రీకి ఛలో సినిమాతో పరిచయమైన కన్నడ భామ రష్మిక మందన. డెబ్యూ మూవీతోనే రెండు తెలుగు రాష్ట్రాలలో యూత్ మొత్తాన్ని ఫిదా చేసింది. నిజానికి రష్మిక చిలిపితనం, క్యూట్ క్యూట్ నటన కుర్రకారుకి విపరీతంగా నచ్చడంతో ఫ్యాన్ ఫాలోయింగ్ అలా పెరిగిపోయింది. ఆ క్యూట్ నెస్ తోనే.. ఛలో నుండి గీతగోవిందం, సరిలేరు నీకెవ్వరూ, భీష్మా లాంటి వరుస విజయాలు ఖాతాలో పడేసరికి టాలీవుడ్ తో పాటు సౌత్ మొత్తంలో అమ్మడికి భారీ డిమాండ్ పెరిగిపోయింది. గతేడాది సూపర్ స్టార్ మహేష్ తో సరిలేరు నీకెవ్వరు, నితిన్ తో భీష్మ సినిమాలతో భారీ విజయాలను అందుకొని ఫ్యాన్ ఫాలోయింగ్ తో పాటు ఇండస్ట్రీ దృష్టిని కూడా బాగా ఆకర్షించింది.

అమ్మడి జోరు చూస్తుంటే ప్రస్తుతం టాలీవుడ్ బాక్సాఫీస్ లో రష్మిక హవా కొనసాగుతున్నట్లే అనిపిస్తుంది. ప్రస్తుతం ఇండస్ట్రీలో స్టార్ హీరోయిన్ స్టేటస్ దక్కించుకుంటున్న రష్మిక క్రేజ్ మాత్రం మాములుగా లేదు. అయితే రష్మిక సినిమాలే కాకుండా బ్యూటీ మ్యాగజైన్స్ లో కూడా అప్పుడప్పుడు దర్శనమిస్తుంది. ఎల్లప్పుడూ సోషల్ మీడియాలో యాక్టీవ్ గా ఉండే రష్మిక.. ఎప్పుడు ఎలాంటి పిక్ పోస్ట్ చేసినా ఇలా నిముషాల్లో వైరల్ అయిపోతుంది. ఈ లాక్ డౌన్ కాలంలో మన స్టార్ హీరోయిన్లు వాళ్లకు సంబంధించిన ప్రతి విషయాన్ని అభిమానులతో షేర్ చేసుకుంటున్నారు. అందులోను త్రోబ్యాక్ పిక్స్ కూడా అలా పోస్ట్ చేసేస్తున్నారు.

తెలుగులో స్టార్ హీరోయిన్‌గా తనకంటూ ప్రత్యేక గుర్తింపు తెచ్చుకుంటున్న రష్మిక మందన తాజాగా తన చిన్నప్పటి ఫోటోను సోషల్ మీడియాలో షేర్ చేసింది. ఇదివరకు చిన్నతనంలో గోకులం అనే మ్యాగజైన్ కవర్ పేజీపై మెరిసిన పిక్ తో సర్ప్రైజ్ చేసిన రష్మిక.. తాజాగా మరో త్రోబ్యాక్ తో సర్ప్రైజ్ చేసింది. అయితే ఇంస్టాగ్రామ్ వేదికగా రష్మిక చిన్నప్పుడు స్టయిల్ గా దిగిన పిక్ పోస్ట్ పెట్టింది. ఆ ఫోటోలో అమ్మడు సూపర్ క్యూట్ గా టి-షర్ట్ ధరించి చేతులు కుడిచేతిని వాటంగా పెట్టుకొని స్టైల్ గా కెమెరాకు లుక్కిచ్చింది. 'త్రోబ్యాక్ థర్స్ డే' అనే కాప్షన్ తో పిక్ పోస్ట్ చేసింది. ప్రస్తుతం రష్మికను చూస్తూ సూపర్ క్యూట్ అంటూ కామెంట్స్ చేస్తున్నారు ఫ్యాన్స్. ఇదిలా ఉండగా.. ప్రస్తుతం రష్మిక పుష్ప సినిమాతో పాటుగా బాలీవుడ్ లో రెండు సినిమాలు చేస్తోంది.