ప్రకాష్ రాజ్ ను ఓడించాలని సీవీఎల్ సంచలన కామెంట్స్

మూవీ ఆర్టిస్ట్ అసోసియేషన్ (మా) ఎన్నికలు రచ్చరంబోలా అవుతున్నాయి. వివాదాలకు కేరాఫ్ అడ్రస్ గా మారుతున్నాయి. ప్రకాష్ రాజ్, మంచు విష్ణు వర్గాల వారీగా సినీ నటీనటులు విడిపోయి వాదులాడుకుంటున్న పరిస్థితి నెలకొంది. ఇరు వర్గాల నుంచి సినీ కళాకారులు మాటల మంటలు రేపుతున్నాయి. కొందరు మద్దతుగా కొందరు వ్యతిరేకంగా మారిపోతున్నారు. ఒక్కరోజులోనే ప్రకాష్ రాజ్, మంచు విష్ణులకు మద్దతు ఇచ్చిన వారు అటూ ఇటూ అయిపోతున్నారు.

తాజాగా ప్రకాష్ రాజ్ కు మద్దతు ఇస్తూ అధ్యక్ష పదవి నుంచి వైదొలిగిన నటుడు సీవీఎల్ నరసింహరావు ట్విస్ట్ ఇచ్చాడు. నామినేషన్ విత్ డ్రా చేసుకున్నాక సీవీఎల్ తన మద్దతును తాజాగా మంచు విష్ణు ప్యానెల్ కు తెలపడం సంచలనమైంది. అంతేకాదు..ప్రకాష్ రాజ్ ప్యానెల్ పై సంచలన వ్యాఖ్యలు చేశారు.

'మూవీ ఆర్టిస్ట్ అసోసియేషన్ సభ్యులు ఈ ఎన్నికల్లో తెలంగాణ బిడ్డలను గెలిపించాలని సీవీఎల్ కోరారు. విష్ణు ప్యానెల్ లో ఉన్న బాబు మోహన్, ప్రకాష్ రాజ్ ప్యానెల్ లో ఉన్న ఉత్తేజ్ ను గెలిపించాలని పిలుపునిచ్చారు. దేశం అన్నా.. దేవుడు అన్నా చులకన భావం ఉన్న ప్రకాష్ రాజ్ ను ఓడించాలని పిలుపునిచ్చాడు.

'నేను నేను తప్ప మరొక విషయం పట్టని ప్రకాష్ రాజ్ ను ఈ ఎన్నికల్లో పోటీచేయకుండా ఉంటే బాగుంటుందని..బహుశా అతడు విత్ డ్రా చేసుకుంటాడని ఆశిస్తున్నానని' సీవీఎల్ సంచలన వ్యాఖ్యలతో హోరెత్తించాడు.

ప్రకాష్ రాజ్ ను ఇప్పుడు నాన్ లోకల్ అంటూ అందరూ కళాకారులు ఆయనకు వ్యతిరేకంగా మంచు విష్ణు ప్యానెల్ కు మద్దతిస్తున్నారు. ప్రకాష్ రాజ్ వేరే రాష్ట్రానికి చెందిన వాడు అని ఆయనకు అధికారం ఎలా కట్టబెడుతారు అంటూ ప్రత్యర్థి బృందం వాడిస్తోంది. మరోవైపు తాను తెలుగు వాడినే అంటూ ప్రకాష్ రాజ్ ఓన్ చేసుకుంటున్నారు. ఈనెల 10న జరిగే ఎన్నికల్లో ఎవరు గెలుస్తారన్నది ఆసక్తి రేపుతోంది.