క్రూరమైన పాత్రలో బాలీవుడ్ దివ్యదత్తా.. దాకడ్ న్యూ పోస్టర్ విడుదల!!

బాలీవుడ్ క్వీన్ కంగనా రనౌత్ నటిస్తున్న వయోలెంట్ యాక్షన్ ప్యాకెడ్ మూవీ దాకడ్. ఈ సినిమాలో కంగనా సీక్రెట్ ఏజెంట్ గా ఇంతవరకు చూడని భయంకరమైన లుక్ లో కనిపించనుంది. ఇక ఇప్పటికే అర్జున్ రాంపాల్, కంగనా రనౌత్ ల ఫస్ట్ లుక్స్ విడుదల చేసిన దాకడ్ మేకర్స్.. తాజాగా దివ్యదత్తా పోస్టర్‌ను రిలీజ్ చేశారు. ఎన్నడూ చూడని అవతారంలో దివ్యదత్తాను మనం చూడవచ్చు. దాకడ్ సినిమాలో రోహిణి అనే క్రూరమైన పాత్రలో నటిస్తుందట దివ్య. ఆ పోస్టర్ చూస్తేనే దివ్య పాత్ర ఎంత వయోలెంట్ గా ఉంటుందో అర్ధం చేసుకోవచ్చు. ఇటీవలే దాకడ్ నుండి అర్జున్ రాంపాల్ లుక్ విడుదల చేశారు. ఇందులో అర్జున్ రుద్రవీర్ అనే దుష్ఠుడి పాత్రలో కనిపించనున్నాడు. పోస్టర్లు చూస్తుంటే ఈ సినిమాలో అందరూ కూడా ఇంతవరకు చూడని పాత్రలలో దర్శనమిచ్చేలా ఉన్నారు. ఇక తాజాగా విడుదల చేసిన దివ్యదత్తా పోస్టర్ చూస్తే పక్కా ఆశ్చర్యం కలుగుతుంది. ఇంత క్రూరమైన లుక్కులో ఆమెను ఎప్పుడు చూసి ఉండరు ఫ్యాన్స్. ఇప్పటికే కంగనా వయోలెంట్ లుక్కు చూసి షాక్ అయిన జనాలకు దివ్య లుక్ మరో షాక్ అనాలి.

ఇక ఫస్ట్ లుక్ పోస్టర్ లో దివ్య బాగా మొరటుగా కనిపిస్తుంది. గల్లా జాకెట్టుతో చీరను కట్టుకొని కూర్చుంది. చేతులు, కాళ్ళకు ధరించిన వెండి ఆభరణాలు ఆమె లుక్కును మరింత ఎలివేట్ చేస్తున్నాయి. ఇక ఒకచేతిలో సిగరెట్ పట్టుకొని ఉంది దివ్య. పోస్టర్ లో ఆమె ఆటిట్యూడ్ చూస్తేనే వయోలెంట్ క్యారెక్టర్ అని అర్ధమవుతుంది. ఇక స్క్రిప్ట్ విన్నప్పటి నుండే దివ్య చాలా ఎక్సయిటింగ్ గా ఉందట. ఇక తాజాగా తన క్యారెక్టర్ గురించి దివ్య మాట్లాడుతూ.. 'ఇది నేనెప్పుడూ చేయని డిఫరెంట్ క్యారెక్టర్. ఒక వ్యక్తిగా నేనెలా ఉన్నానో దానికి పూర్తి భిన్నంగా ఉంటుంది. నా పాత్ర గురించి నేను పెద్దగా చెప్పలేను. కానీ రోహిణి క్యారెక్టర్ చాలా దుష్ట ఆలోచనలతో ఉంటుంది. ఇక కంగనా, అర్జున్ లతో స్క్రీన్ షేరింగ్ బాగుంది. ఇక ఒక లేడీ ఓరియెంటెడ్ సినిమాలో భాగమైనందుకు ఆనందంగా ఉంది. దాకడ్ అనేది ఒక ధోరణి' అంటూ చెప్పుకొచ్చింది దివ్యదత్తా. ప్రస్తుతం దివ్య లుక్ తెగ వైరల్ అవుతోంది. ఇక ఈ సినిమా అక్టోబర్ 1న విడుదల కాబోతుంది.