నాయుడు గారి కుటుంబం.. బాగుందే

ఇప్పటికే ''మనం'' సినిమా తరహాలో రామానాయుడు ఫ్యామిలీ కూడా ఒక ప్రయోగం చేయబోతోందని ఆల్రెడీ చెప్పుకున్నాం. ఈ సినిమా గురించి రానా మాట్లాడుతూ ఓ మాటన్నాడు. ''ఆల్రెడీ మా నాన్న కథ అల్లిస్తున్నాడు. బాబాయ్‌ వెంకీ ఎలాగో రెడీ. నాగచైతన్య కూడా రెడీగా ఉన్నాడు. ముగ్గురుం కలసి ఈ సంవత్సరం ఆఖరిలో షూటింగ్‌ స్టార్ట్‌ చేస్తాం'' అని చెప్పుకొచ్చాడు. ఇకపోతే ఈ సినిమా కథలోకి వెళ్దాం ఓసారి..

ప్రస్తుతం రామానాయుడు స్టూడియోలో కూర్చొని కొందరు రైటర్లు ఓ కథను రెడీ చేస్తున్నారట. ఆ కథను హిందీ మూవీ కభీ ఖుషీ కభీ గమ్‌ ఆధారంగా రాసుకున్నట్లు తెలుస్తోంది. ఈ సినిమా వర్కింగ్‌ టైటిల్‌ ''నాయుడు గారి కుటుంబం''.. దీనిలో చాలా ఎమోషన్స్‌, సెంటిమెంట్స్‌ ఉంటాయి. ఎవరి హీరోయిన్‌ వారికే. ఆ యాంగిల్‌లో కూడా భారీ తారాగణంతో వర్కవుట్‌ చేస్తున్నారు. అయితే మనం టైపులో ఈ ముగ్గురు ఫ్యామిలీ హీరోల మధ్యన ఏదైనా రిలేషన్‌ పెట్టాలా వద్దా అనే చర్చలో ఉన్నారట. పెడితేనే కద సామీ వర్కవుట్‌ అయ్యేది. నాయుడు గారి కుటుంబం అలా షురూ అవుతోంది మరి.