నితిన్ సినిమాలో హాలీవుడ్ నటుడు

త్రివిక్రమ్ శ్రీనివాస్ దర్శకత్వంలో రూపొందిన అ.ఆ.. మూవీతో హీరోగా మరో మెట్టు ఎక్కేసిన నితిన్.. ప్రస్తుతం హను రాఘవపూడి డైరెక్షన్ లో ఓ మూవీ చేస్తున్నాడు. రీసెంట్ గా ఫస్ట్ లుక్ రివీల్ చేయడంతో పాటు.. ఈ సినిమా టైటిల్ ను 'లై' అని అనౌన్స్ చేశారు. లవ్.. ఇంటెలిజెన్స్.. ఎనిమిటీ.. ఇదీ LIEకి దర్శకుడు చెప్పిన అబ్రివేషన్.

హీరో నితిన్ ఈ చిత్రం కోసం బాగా గెడ్డం పెంచేసి మేకోవర్ చేయగా.. ప్రస్తుతం ఈ చిత్ర యూనిట్ అమెరికాలో సుదీర్ఘమైన షెడ్యూల్ జరుపకుంటోంది. తమ చిత్రంలో హాలీవుడ్ నటుడు డాన్ బిల్జరియాన్ నటిస్తున్నాడంటూ.. నితిన్ సోషల్ మీడియా ద్వారా అధికారికంగా ప్రకటించాడు. స్టంట్ మ్యాన్.. ప్రొఫెషనల్ పోకర్ ప్లేయర్ అయిన డాన్ బిల్జరియాన్.. ఒలంపస్ హాజ్ ఫాలెన్.. ది ఈక్వలైజర్.. ఎక్స్ ట్రాక్షన్.. వార్ డాగ్స్ వంటి పలు హాలీవుడ్ చిత్రాలలో నటించి.. ప్రేక్షకులను ఆకట్టుకున్నాడు.

ఈ హాలీవుడ్ నటుడు తమ చిత్రంలో భాగం కావడం చాలా ఆనందంగా ఉందంటూ ట్వీట్ చేసిన నితిన్.. సహజమైన యాక్టర్ అంటూ ఆకాశానికి ఎత్తేశాడు. లై చిత్రంలో మేఘా ఆకాష్ హీరోయిన్ గా నటిస్తుండగా.. రెండున్నర నెలల పాటు అమెరికాలో షూటింగ్ చేయనున్నారు. 14 రీల్స్ ఎంటర్టెయిన్మెంట్ బ్యానర్ పై ఈ మూవీని తెరకెక్కిస్తున్నారు.

Like Us on Facebook : https://www.facebook.com/Tupakidotcom/