కాసేపే హాలీవుడ్ యాక్టర్ 'లై'

హను రాఘవపూడి దర్శకత్వంలో నితిన్ నటిస్తున్న మూవీ లై. మెజారిటీ పోర్షన్ అమెరికాలో షూటింగ్ జరుపుకుంటున్న ఈ చిత్రంపై.. కొన్ని రోజుల క్రితం హీరో నితిన్ ఓ ఆసక్తికరమైన విషయాన్ని చెప్పాడు. హాలీవుడ్ యాక్టర్ కం స్టంట్ మ్యాన్ కం పోకర్ ప్లేయర్ అయిన డాన్ బిల్జరియాన్ తమ సినిమాలో నటిస్తున్నాడని అఫీషియల్ గానే చెప్పాడు నితిన్.

నితిన్ చెప్పిన ఈ విషయం నిజమే అయినా.. అందులో సగం నిజమే ఉందట. అంటే సగం అబద్ధం(లై) అన్నమాట. డాన్ బిల్జరియన్ లై చిత్రంలో నటిస్తున్నా.. యూనిట్ ప్రకటించిన స్థాయిలో ఆ పాత్ర ఉండదని.. కొన్ని నిమిషాల పాటు కూడా ఈ హాలీవుడ్ యాక్టర్ స్క్రీన్ పై కనిపించడని తెలుస్తోంది. అమెరికాలో షూటింగ్ చేస్తున్న సమయంలో కేజువల్ వీరి మధ్య సంభాషణ జరిగిందని.. దీంతో అతను కొంత సేపు నినిమాలో కనిపించేందుకు అంగీకరించాడని అంటున్నారు. లై చిత్రంలో మెయిన్ విలన్ పాత్రలో సీనియర్ నటుడు అర్జున్ కనిపించనున్నాడు.

ఒలంపస్ హాజ్ ఫాలెన్.. ది ఈక్వలైజర్.. ఎక్స్ ట్రాక్షన్.. వార్ డాగ్స్ వంటి పలు హాలీవుడ్ చిత్రాలలో నటించిన డాన్ బిల్జరియాన్.. తొలిసారిగా ఓ తెలుగు సినిమాలో కనిపించనున్నాడు. ఈ చిత్రంలో మేఘా ఆకాష్ హీరోయిన్ గా నటిస్తుండగా.. లవ్ స్టోరీకి యాక్షన్ ఎలిమెంట్స్ ను మిక్స్ చేసిన ఈ మూవీ ఔట్ పుట్ సూపర్బ్ గా వచ్చిందని అంటున్నారు. ఆగస్ట్ 11న లై చిత్రాన్ని రిలీజ్ చేసేందుకు సన్నాహాలు జరుగుతున్నాయి.

Like Us on Facebook : https://www.facebook.com/Tupakidotcom/