'ఆట' కొరియోగ్రాఫర్‌ భరత్‌ ఆత్మహత్య

ఆత్మహత్యలు పర్వంతో టాలీవుడ్‌ మరోసారి కుదుపుకు గురైంది. గత సాయంత్రం సీనియర్‌ నటుడు రంగనాథ్‌ ఆత్మహత్య చేసుకొని ప్రాణాలు విడిచిన సంగతి తెలిసిందే. ఈయన మరణ వార్తను ఇంకా జీర్ణించుకోలేక ముందే.. ఆర్ధిక బాధలు తాళలేక మరో టాలీవుడ్‌ సెలబ్రిటీ ఆత్మహత్య చేసుకున్నాడు.

ఓంకార్‌ రూపొందించిన 'ఆట' ప్రోగ్రాం ద్వారా కొరియోగ్రాఫర్‌ గా పేరుతెచ్చుకున్న మాష్టర్‌ భరత్‌.. పలు ఛానెళ్లలో డ్యాన్స్‌ కార్యక్రమాల ద్వారా గుర్తింపు తెచ్చుకున్నాడు. ఇకపోతే గత రాత్రి హైదరాబాద్‌ లోని మోతీనగర్‌ లో తాను ఉంటున్న గదిలోనే భరత్‌ బలవన్మరణానికి పాల్పడ్డాడు. తన భార్య ప్రస్తుతం విజయవాడలో ఉన్నట్లు తెలుస్తోంది. ఆర్ధిక ఇబ్బందులో ప్రధాన కారణమని కొన్ని టివి ఛానళ్లలో వార్తలొస్తున్నాయి.