దూసుకెళ్తున్న డార్లింగ్‌.. ఫ్యాన్స్ ఫుల్‌ హ్యాపీస్‌!

ప్రభాస్ కెరీర్ గురించి చెప్పుకోవాలంటే.. బాహుబలి ముందు.. బాహుబలి తర్వాత అని చెప్పుకోవాలి. అప్పటి వరకూ అందరిలో ఒకడిగా ఉన్న రెబల్ స్టార్.. ఆ సినిమా తర్వాత నేషనల్ స్టార్ అయిపోయాడు. కేవలం స్టార్ గా ఎదగడమే కాదు.. సినిమాలు ప్రకటించడం.. షూట్ చేయడంలోనూ తనదైన వేగంతో దూసుకెళ్తున్నాడు.

బాహుబలికి ముందు ప్రభాస్ చేసిన మూవీ మిర్చి. 2013లో విడుదలైందీ చిత్రం. 2019లో సాహో మూవీ రిలీజ్ అయ్యింది. మ‌ధ్య‌లో వ‌చ్చిన‌వి బాహుబ‌లి, బాహుబ‌లి-2 చిత్రాలు మాత్ర‌మే. దీంతో.. ప్రభాస్ ఎక్కువ సినిమాలు చేయాలని ఒత్తిడి చేస్తున్నారు ఫ్యాన్స్‌. మరి, అభిమానుల ఆవేద‌న విన్నాడో ఏమోగానీ.. వ‌రుస‌గా సినిమాలు ప్ర‌క‌టించేశాడు రెబ‌ల్ స్టార్‌.

రెస్ట్ లేకుండా సినిమాల్లో యాక్ట్ చేస్తున్నాడు‌. డార్లింగ్ అప్ క‌మింగ్ మూవీ ‘రాధేశ్యామ్’. ఈ మూవీ ఫినిషింగ్ స్టేజ్ లో ఉంది. ఇది పూర్తికాకుండానే.. ప్రశాంత్ నీల్ కాంబోలో ‘సలార్’ స్టార్ట్ చేశాడు. ఈ మూవీ రెగ్యులర్ షూట్ మరో 10 రోజుల్లో ప్రారంభమవుతుంది. ఈ చిత్రం కోసం 60 రోజులు నాన్‌స్టాప్‌గా షూటింగ్ లో పాల్గొంటాడు డార్లింగ్.

ఈ మూవీ కొనసాగుతుండగానే.. పౌరాణిక చిత్రం ‘ఆదిపురుష్’ను లైన్లో పెట్టాడు. ఈ సినిమా కోసం కూడా మరో 60 రోజులు కేటాయించాడు. ఈ రెండు సినిమాల షూటింగ్ వచ్చే ఆగస్టు లేదా సెప్టెంబర్ నాటికి కంప్లీట్ చేయాలనే లక్ష్యంతో ముందుకు సాగుతున్నాయి.

ఆ తర్వాత ఓ స్మాల్ గ్యాప్ తీసుకొని, ఈ ఏడాది చివర్లో నాగ్ అశ్విన్ డైరెక్షన్లో నటించబోతున్న సైన్స్ ఫిక్షన్ సెట్స్ లో అడుగు పెడతాడు ప్రభాస్. ఈ విధంగా.. రెస్ట్ అనేదే లేకుండా సినిమాలు చేస్తూ వెళ్తున్నాడు రెబల్ స్టార్. ఒకే సంవత్సరంలో మూడు సినిమాల షూట్లలో ప్రభాస్ ఎప్పుడూ పాల్గొనలేదు. కెరీర్ స్టార్టింగ్ లో ఓ ఏడాది రెండు సినిమాల్లో నటించాడు. ఇప్పుడు మాత్రం జెట్ స్పీడ్ లో సినిమాలు చేస్తూ వెళ్తున్నాడు. దీంతో ఫ్యాన్స్ ఫుల్లు ఖుషీ అవుతున్నారు.