'ఇంస్టాగ్రామ్'లో డార్లింగ్ ప్రభాస్ క్రేజీ ఫీట్..!

పాన్ ఇండియా స్టార్ ప్రభాస్ ప్రస్తుతం ఎలాంటి జోరు మీద ఉన్నాడో చెప్పాల్సిన అవసరం లేదు. పాన్ ఇండియా అనే ఫేమ్ వచ్చినప్పటి నుండి సోషల్ మీడియాలో ఉండటం ప్రారంభించాడు. ఇక ఇప్పుడు వరుస సినిమాలతో బిజీగా ఉన్నాడు. డార్లింగ్ ప్రభాస్ ఎప్పుడైతే తన నుండి నాలుగు బిగ్ ప్రాజెక్ట్స్ ప్రకటించాడో అప్పటినుండి అతని గురించి ఏదొక వార్త నెట్టింట హల్చల్ అవుతూనే ఉంది.

తాజాగా రాధేశ్యామ్ సినిమా కంప్లీట్ చేసి సలార్ సినిమా షూటింగ్ లో పాల్గొన్నాడు. కేజీఎఫ్ డైరెక్టర్ ప్రశాంత్ నీల్ దర్శకత్వంలో ఈ ఊరమాస్ మాఫియా యాక్షన్ ప్యాకెడ్ మూవీలో ప్రభాస్ సలార్ గా కనిపించనున్నాడు. ప్రభాస్ సినిమాలలో ఇంతవరకు చూడని క్రూరత్వం, వయోలెన్స్ ఈ సినిమాలో చూపిస్తా అంటున్నారు డైరెక్టర్ ప్రశాంత్. ఇదివరకు విడుదల చేసిన టైటిల్ పోస్టర్ నెట్టింట ఎంతటి బజ్ క్రియేట్ చేసిందో తెలిసిందే.

కేజీఎఫ్ సినిమాతో పాన్ ఇండియా ఫేమ్ సొంతం చేసుకుని తనకంటూ ప్రత్యేక గుర్తింపు తెచ్చుకున్న ప్రశాంత్.. ప్రభాస్ తో సినిమా అనేసరికి సినిమా పై అంచనాలు మాత్రం ఆకాశాన్ని తాకుతున్నాయి. రాధేశ్యామ్ ఎంతటి క్లాస్ మూవీనో.. ఇప్పుడు నటిస్తున్న సలార్ మూవీ మాస్ మాఫియా స్టోరీతో తెరకెక్కుతుంది.

ఇదిలా ఉండగా ప్రభాస్ కు సోషల్ మీడియాలో ఎలాంటి ఫాలోయింగ్ ఉందో చెప్పక్కర్లేదు. పాన్ ఇండియా ఫేమ్ తో పాటు సోషల్ మీడియా ఖాతాలలో అప్పుడప్పుడు దర్శనం ఇస్తున్నాడు ప్రభాస్. అయితే తాజాగా ప్రభాస్ ఇంస్టాగ్రామ్ అకౌంట్ ఫాలోయింగ్ ఆరు మిలియన్స్ క్రాస్ చేసింది. ఈ సందర్బంగా టాలీవుడ్ ఇండస్ట్రీలో 6 మిలియన్స్ ఫాలోయర్స్ కలిగిన హీరోల లిస్టులో డార్లింగ్ కూడా చేరిపోయాడు.

ప్రస్తుతం ప్రభాస్ ఫాన్స్ తమ అభిమాన హీరో ఫాలోయింగ్ చూసి ఆనందం వ్యక్తం చేస్తున్నారు. ఇక ప్రభాస్ వరుసగా మరో రెండేళ్లు బిజీగా ఉండేలా కనిపిస్తుంది. ఎందుకంటే సలార్ షూటింగ్ దశలో ఉండగానే ఆదిపురుష్ సినిమా షూటింగ్ లో హాజరు కాబోతున్నాడు. అంటే ఈ ఏడాది ప్రభాస్ నుండి రాధేశ్యామ్, సలార్ సినిమాలు విడుదల అవుతాయని ఎక్సపెక్ట్ చేస్తున్నారు. వీటి అనంతరం నాగ్ అశ్విన్ దర్శకత్వంలో సైన్స్ ఫిక్షన్ మూవీ చేయనున్నాడు. ఈ సినిమాలో ప్రభాస్ సరసన దీపిక పదుకొనే ఖరారు అయింది.