'సలార్'లో డార్లింగ్ సాలిడ్ సర్ప్రైజ్..!

పాన్ ఇండియా స్టార్ డార్లింగ్ ప్రభాస్.. రాధేశ్యామ్ మూవీ పూర్తిచేసి సాలిడ్ యాక్షన్ థ్రిల్లర్ 'సలార్' సినిమా చేస్తున్నాడు. పక్కా మాస్ మాఫియా అంశాలతో సలార్ రూపొందుతుంది. అయితే పాన్ ఇండియా మూవీగా తెరకెక్కుతున్న సలార్ కు కేజీఎఫ్ ఫేమ్ ప్రశాంత్ నీల్ దర్శకత్వం వహిస్తున్నాడు. అసలే కేజీఎఫ్ సినిమాతో తనకంటూ ప్రత్యేక ఫ్యాన్ బేస్ క్రియేట్ చేసుకున్నాడు ప్రశాంత్ నీల్. అలాంటి డైరెక్టర్ తో ప్రభాస్ సినిమా అంటే డార్లింగ్ ఫ్యాన్స్ ఒక్కసారిగా దిల్ ఖుష్ అయిపోయారు. వీరి కాంబినేషన్ ఎలా సెట్ అయిందో గాని ప్రభాస్ - ప్రశాంత్ నీల్ కాంబోలో సినిమా అని తెలిసినప్పటి నుండే సలార్ పై భారీ అంచనాలు పెరిగిపోయాయి.

అయితే ప్రస్తుతం షూటింగ్ దశలో ఉన్నటువంటి సలార్ మూవీ వచ్చే ఏడాది రిలీజ్ ప్లాన్ లో ఉండగా ఇప్పటివరకు రెండు షెడ్యూల్స్ పూర్తి చేసుకుంది. ఈ సినిమాతో ప్రభాస్ లో నుండి మరో మాస్ యాంగిల్ బయటికి రానుందని ఇదివరకే డైరెక్టర్ చెప్పాడు. మరి ఆయన చెప్పినట్లుగానే డార్లింగ్ నెవర్ బిఫోర్ లుక్కులో కనిపించనున్నట్లు సలార్ పోస్టర్ చూస్తే అర్ధమైంది. ఈ సినిమాలో ప్రభాస్ సరసన శృతిహాసన్ కథానాయికగా నటిస్తుంది. డార్లింగ్ - శృతి కాంబినేషన్ ఫస్ట్ టైమ్ కాబట్టి వీరి కెమిస్ట్రీ అదిరిపోతుందని టాక్. అయితే ఈ సినిమాలో హీరోయిన్ క్యారెక్టర్ జర్నలిస్ట్ అంటూ ఇదివరకే సోషల్ మీడియాలో పలు కథనాలు వైరల్ అయ్యాయి.

కానీ ఇప్పుడు హీరో ప్రభాస్ పాత్ర గురించి పలు పుకార్లు ఇండస్ట్రీలో చక్కర్లు కొడుతున్నాయి. అయితే తాజా సమాచారం ప్రకారం.. ఈ సినిమాలో ప్రభాస్ ఓ పవర్ ఫుల్ క్యారెక్టర్ లో డ్యూయెల్ రోల్ పోషిస్తున్నట్లు టాక్. ఫ్యాన్స్ కూడా అలాంటి ఎక్సపెక్టషన్స్ లో ఉన్నారు. ఈ సాలిడ్ సలార్ మూవీలో ప్రభాస్ డ్యూయెల్ రోల్ పోషిస్తున్నాడని.. అందులో ఓ తండ్రి - కొడుకుగా ప్రభాస్ కనిపించనున్నాడని అంటున్నాయి సినీవర్గాలు. ఈ సినిమాలో ఓ గతం కూడా ఉంటుందని అందులో తండ్రిగా.. ప్రెసెంట్ కొడుకుగా ప్రభాస్ అలరించనున్నట్లు టాక్. మరి నిజమో కాదో తెలియదు గాని.. ఈ విషయం పై క్లారిటీ రావాల్సి ఉంది. ఈ సినిమాను విజయ్ కిరగందుర్ నిర్మిస్తుండగా.. రవిబస్రూర్ సంగీతం అందిస్తున్నాడు.