దసరా ఐటం సాంగ్.. దంచి కొట్టే కాంబో

నాని హీరోగా కీర్తి సురేష్ హీరోయిన్ గా శ్రీకాంత్‌ ఓదెల దర్శకత్వంలో రూపొందుతున్న దసరా సినిమా ఈ మధ్య కాలంలో తెగ వార్తల్లో నిలుస్తున్న విషయం తెల్సిందే. సినిమాకు సంబంధించిన చిత్రీకరణ శరవేగంగా జరగుతోంది. ఇటీవలే దసరా సినిమాను వచ్చే ఏడాది మార్చి లో విడుదల చేయబోతున్నట్లుగా అధికారికంగా ప్రకటించిన విషయం తెల్సిందే.

డిసెంబర్ వరకు సినిమా చిత్రీకరణ ముగించే ఉద్దేశ్యంతో చిత్ర యూనిట్‌ సభ్యులు పని చేస్తున్నారట. ఈ మాస్ మసాలా యాక్షన్‌ సినిమాలో ఐటం సాంగ్‌ ఉంటే అదిరి పోతుందని చిత్ర యూనిట్‌ సభ్యులు భావిస్తున్నారట. ఐటం సాంగ్‌ అంటే మామూలు ఐటం సాంగ్.. అలాంటి ఇలాంటి ఐటం సాంగ్‌ కాకుండా దుమ్ము రేపే విధంగా ఉండాలని అనుకుంటున్నారు.

అందుకోసం మిల్కీ బ్యూటీ తమన్నా ను సంప్రదించారని సమాచారం అందుతోంది. ఆమె ఆఫర్స్‌ కోసం ఎదురు చూస్తున్న ఈ సమయంలో దసరా ఐటం సాంగ్‌ కి వెంటనే ఓకే చెప్పిందని తెలుస్తోంది. నాని వంటి యంగ్‌ స్టార్ తో ఐటం సాంగ్ అంటే కచ్చితంగా అది కెరీర్‌ కి మంచి ప్లస్ అవుతుందని తమన్నా భావించి ఉంటుంది. అందుకే ఓకే చెప్పింది.

నాని మరియు మిల్కీ బ్యూటీ తమన్నా యొక్క దసరా ఐటం సాంగ్ కచ్చితంగా దంచి కొట్టే కాంబో ఐటం సాంగ్‌ అవుతుంది అంటూ ఇండస్ట్రీ వర్గాల వారు నమ్మకం వ్యక్తం చేస్తున్నారు. మిల్కీ బ్యూటీకి ఇప్పటికి ఐటం రాణి అంటూ మంచి పేరు దక్కింది. కనుక దసరా ఐటం సాంగ్ లో కూడా ఈ అమ్మడు రెచ్చి పోవడం పక్కా.. మాస్ ఆడియన్స్ విలవిలలాడటం పక్కా అంటూ కామెంట్స్ వస్తున్నాయి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.