లాభాలు వద్దంటున్న అరుదైన నిర్మాత

సినిమాలు అంటే వ్యాపారం.. పక్కా బిజినెస్ యాంగిల్ తీస్తున్నవే మూవీస్. బిజినెస్ స్ట్రాటజీ వర్కవుట్ కాకపోతే పట్టాలెక్కిన పిక్చర్స్ కూడా అటకెక్కేసిన పరిస్థితి చూస్తూనే ఉన్నాం. కానీ ఓ నిర్మాతకు మాత్రం లాభాలతో పని లేదంట. కేవలం సినిమాలపై ప్యాషన్ తో తీయాలని అనుకుటున్నట్లు చెబుతున్నాడు. ఇలాంటి నిర్మాత రామ్ గోపాల్ వర్మకు సెట్ అయితే పరిస్థితి ఎలా ఉంటుంది.

సింపుల్ గా వంగవీటి మూవీలా ఉంటుంది అని చెప్పచ్చు. అసలు వర్మకు వంగవీటి మూవీపై పెద్దగా ఇంట్రెస్ట్ లేదట. బాలీవుడ్ లో ఎలాగైనా తిరిగి సత్తా చాటాలని అనుకుంటున్న సమయంలో నిర్మాత కిరణ్ చెప్పిన మాట వర్మకు బాగా కనెక్ట్ అయిందట. ఎలాగైనా ఈ సినిమా తీయాలని, లాభాలతో పని లేదని చెప్పి వర్మపై దాసరి కిరణ్ ఒత్తిడి తేవడంతోనే... వంగవీటి పనులను ప్రారంభించాడట వర్మ. డబ్బుల కోసం కాకుండా.. సినిమాలపై ప్యాషన్ తో మూవీ చేద్దామన్న కిరణ్ మాట, కమిట్ మెంట్ తో ఈ మూవీ ఇప్పుడు ఊపందుకుందని అంటున్నారు.

అలాగే.. ఈ సినిమాతో లాభాలు ఆర్జించాలని అనుకోవడం లేదంటూ.. నిర్మాత దాసరి కిరణ్ స్వయంగా చెప్పడం విశేషం. అయితే.. ప్రస్తుతం ఈ సినిమాకి వస్తున్న క్రేజ్ చూస్తే.. వద్దన్నా సరే బోలెడన్ని లాభాలు వచ్చేటట్లుగానే ఉన్నాయి. మరి ఈ ప్రాజెక్ట్ లాభాలతో ఎండ్ అవుతుందో.. నిర్మాత కోరిక తీరడంతో సరిపోతుందో తెలియాలంటే మాత్రం.. వంగవీటి రిలీజ్ వరకూ రావాల్సిందే.