హేయ్‌.. దాసరి సార్‌ ఎటాకిచ్చారు!!

మెగా ఫ్యామిలీకి సంబంధించి ఏదైనా ఒక చిన్న కౌంటర్‌ ఇవ్వాలంటే... తెలుగు ఫిలిం ఇండస్ర్టీలో ముందు వినిపించే పేరు దర్శకతర్న దాసరి నారాయణరావు సార్‌ దే. ఆయన ఎప్పుడూ ఏదో ఒక కౌంటర్‌ వేయడం.. వాటికి చరణ్‌ - బన్నీ వంటి ఎగ్రెసివ్‌ హీరోలు యథావిథిగా పంచ్‌ లతో రిప్లయ్‌ లు ఇవ్వడం ఆనవాయితీ అయిపోయింది.

ఇప్పుడు కొత్తగా రుద్రమదేవి ఎపిసోడ్‌ లోకి కూడా దాసరి దూకేశారు. గుణశేఖర్‌ తీసిన ''రుద్రమదేవి 3డి'' సినిమాను ఎంతో బాగుందని మెచ్చుకునే క్రమంలో పేరు వాడకుండా పంచ్‌ వేశారు దాసరి సార్‌. ఈ నెల 16న వచ్చే సినిమా కనుక పోస్టుపోను చేసుకుంటే ఖచ్చితంగా రుద్రమదేవి కలెక్షన్లపరంగా చరిత్ర సృష్టిస్తుందని చెప్పుకొచ్చారు. ఇన్‌ డైరెక్టుగా బ్రూస్‌ లీ సినిమాను వాయిదా వేయమనేగా ఈ ఎటాక్‌ అంతా? నిన్న ఇదే విషయంపై చరణ్‌ ఆల్రెడీ క్లారిటీ ఇచ్చేశాడుగా.. మేం ముందే డేట్‌ కన్‌ ఫామ్‌ చేసుకుంటే.. ఇప్పుడు మధ్యలో వచ్చేసి సినిమాను రిలీజ్‌ చేసేసి.. సడన్‌ గా హాలిడే సీజన్‌ నుండి మీరు తప్పుకోండి అంటే ఎలా.. అంటూ చరణ్‌ ఆల్రెడీ కడిగేశాడు. మరి దాసరి మాటల గురంచి కామెంట్‌ చేయమంటే.. రేపటి రోజును ఏ రేంజులో ఫైర్‌ అవుతాడో.

ఇకపోతే రుద్రమదేవి సినిమాకు బ్రూస్‌ లీ వచ్చే వరకు మాత్రం బాక్సాఫీస్‌ దగ్గర ఎటువంటి ఢోకా లేదు. ఎందుకంటే రెండు తెలుగు రాష్ట్రంలలో హాలిడే కావడంతో ఇక్కడ దున్నేస్తారంతే. టాక్‌ తో పని లేకుండా ఎలాగో జనాలు సినిమాలు చూసేస్తున్నారుగా!!