సినిమా స్టార్టింగ్ కు ముందే సామ్ తో డీల్ చేసుకుంద‌ట‌!

ఆస‌క్తిక‌ర‌మైన విష‌యాన్ని వెల్ల‌డించారు 'ఓ బేబీ' ద‌ర్శ‌కురాలు నందినీ రెడ్డి. కొరియ‌న్ సినిమాకు రీమేక్ అయిన ఈ మూవీ షూటింగ్ టైంలో పెద్ద‌గా బ‌జ్ లేకున్నా.. టీజ‌ర్ విడుద‌లైన నాటి నుంచి ఈ సినిమా మీద ఆస‌క్తి మొద‌లైంది. అది అంత‌కంత‌కూ పెరుగుతూ వ‌చ్చి.. ఇప్పుడు భారీ అంచ‌నాలు వ్య‌క్త‌మ‌వుతున్నాయి. ఈ వారం రిలీజ్ కానున్న ఈ సినిమా మీద చాలానే ఆశ‌లు ఉన్నాయి.

ఈ సినిమాకు ప్ర‌ముఖ క‌థానాయికి స‌మంత హీరో ప్ల‌స్ హీరోయిన్. మొత్తం భారాన్ని ఆమె మోసింది. సినిమా బాగా వ‌చ్చింద‌న్న టాక్ వినిపిస్తోంది. ప్ర‌మోష‌న్ కూడా ద‌ట్టిస్తుండ‌టంతో మంచి ఓపెనింగ్స్ ఖాయ‌మ‌న్న మాట వినిపిస్తోంది. ఇదిలా ఉంటే.. ఈ సినిమా స్టార్ట్ కావ‌టానికి ముందు త‌మ ఇద్ద‌రి మ‌ధ్య ఒక డీల్ జ‌రిగింద‌ని చెబుతున్నారు నందినీ రెడ్డి.

సినిమా షూటింగ్ స్టార్ట్ కావ‌టానికి ముందే స‌మంత‌.. తాను ఒక మాట అనుకున్నామ‌ని.. నువ్వేదైనా త‌ప్పు చేస్తుంటే నేను చెబుతా. నేనేదైనా త‌ప్పు చేస్తే నువ్వు చెప్పు.. మ‌నిద్ద‌రి మ‌ధ్య ఈగో అనేది అడ్డురాకూడ‌ద‌ని ఒప్పందం చేసుకున్న‌ట్లు చెప్పింది. ఈ సినిమాకు సంబంధించి మ‌రో ప్ర‌త్యేక‌త ఏమంటే.. ఈ సినిమాకు స‌మంత ఓన్లీ యాక్ట‌ర్ మాత్ర‌మే కాకుండా అన్ని బాధ్య‌త‌లూ చూసుకున్న‌ట్లుగా చెప్పారు.

మాట‌ల్లో చెప్ప‌టానికి బాగున్నా.. మ‌రి ఇద్ద‌రి మ‌ధ్య ఒప్పందం ఎంత‌మేర వ‌ర్క్ వుట్ అయ్యింద‌న్న విష‌యం సినిమా చూస్తే కానీ అర్థం కాని ప‌రిస్థితి. ద‌ర్శ‌కురాలిగా అన్నిర‌కాల సినిమాలు త‌న‌కు చేయాల‌ని ఉంద‌ని చెబుతున్న నందినీ రెడ్డి.. స‌మంత‌తో చేసిన ఈ మూవీ త‌న‌కు స్పెష‌ల్ అంటోంది. ఈ సినిమా ప్ర‌భావంతో తానింట్లో అమ్మ మీద క‌సురుకోవ‌టం కాస్త త‌గ్గింద‌ని చెప్ప‌టం గ‌మ‌నార్హం.