డియ‌ర్ మేఘ .. `చెలి` త‌ర‌హా ల‌వ్ ఎమోష‌న్స్ తో?

ఇటీవ‌లి కాలంలో ప్రేమ‌క‌థా చిత్రాల్లో ఉప్పెన సంచ‌ల‌న విజ‌యం అందుకున్న సంగ‌తి తెలిసిందే. డిఫ‌రెంట్ థీమ్ తో వ‌చ్చిన ఎమోష‌న‌ల్ ల‌వ్ యాక్ష‌న్ ఎంట‌ర్ టైన‌ర్ ఇది. కొన్ని ఇత‌ర ప్రేమ‌క‌థ‌లు వ‌చ్చినా ఏమంత కిక్కివ్వ‌లేదు. కొంత గ్యాప్ త‌ర్వాత `డియ‌ర్ మేఘ` ట్రైల‌ర్ నెటిజ‌నుల్ని విశేషంగా ఆక‌ర్షించింది. వ‌ర్క్ ప్లేస్ లో ముక్కోణ‌పు ప్రేమ‌క‌థా చిత్ర‌మిద‌ని ట్రైల‌ర్ వెల్ల‌డించింది. ఇందులో ఎమోష‌న‌ల్ ల‌వ్ స్టోరీ చూస్తుంటే అందాల రాక్ష‌సి త‌ర‌హాలో ఎమోష‌న్ ని వ‌ర్క‌వుట్ చేస్తున్నార‌నే భావించాలి. ఇక ఇటీవ‌లి కాలంలో గౌత‌మ్ మీన‌న్ క్లాస్సిక్ చెలి త‌ర‌హా ముక్కోణ‌ ప్రేమ‌క‌థా చిత్రం ఏదీ రాలేదు. ఆ లోటును డియ‌ర్ మేఘ భ‌ర్తీ చేస్తుందా? అన్న ఆస‌క్తి క్రియేటైంది.

మేఘా ఆకాష్- అదిత్ అరుణ్ - అర్జున్ సోమయాజుల నాయ‌కానాయిక‌లుగా నటించిన డియర్ మేఘ సెప్టెంబర్ 3 న థియేట్రికల్ విడుదలవుతోంది. ఈ సంద‌ర్భంగా మేఘ అండ్ టీమ్ ఈ చిత్రాన్ని ప్ర‌జ‌ల్లోకి చేర్చేందుకు విస్తృత ప్ర‌చారం చేస్తోంది.
టీమ్ దూకుడుగా ప్రీ-రిలీజ్ వేడుక‌ను నిర్వ‌హించిన అనంత‌రం కూడా ప్రమోషన్స్ చేస్తోంది. సినిమాలోని కంటెంట్ అందరికీ నచ్చుతుందనే నమ్మకం ట్రైల‌ర్ తో క‌లిగింది. దానికి కావలసిందల్లా మంచి ప్రచార ప్రచారం అని వారు భావిస్తున్నారు. అద్భుతమైన ట్రైలర్ తో ఈ చిత్రం ప్రేక్షకులలో గొప్ప దృష్టిని ఆకర్షించింది.

డియర్ మేఘ చిత్రాన్ని వేదాంశ్ క్రియేటివ్ వర్క్స్ పతాకంపై అర్జున్ దాస్యన్ నిర్మించారు. ఈ చిత్రానికి స్వరకర్త గౌర హరి సంగీతం అందించారు. ఆండ్రూ సినిమాటోగ్రాఫీ అందించారు.