తిండి అయినా మానేస్తుందేమో కానీ డ్యాన్స్ క్లాస్ వ‌ద‌ల‌దు!

డెడికేష‌న్ అంటే నోరా ఫ‌తేహినే చూడాలి. ఎవ‌రైనా ఒక ఉన్న‌త స్థాయికి చేరుకున్నారు అంటే దాని వెన‌క ఎలాంటి క‌ఠోర త‌ప‌స్సు దాగి ఉందో అర్థం చేసుకోవ‌చ్చు. ఏదీ అంత సులువుగా ద‌క్క‌దు. మొరాకో కెన‌డియ‌న్ బ్యూటీ నోరా ఫ‌తేహి కూడా ఎంతో క్ర‌మ‌శిక్ష‌ణ డెడికేష‌న్ చూపించ‌డం వ‌ల్ల‌నే ఇది సాధ్య‌మైంది. నోరా డ్యాన్సింగ్ స్కిల్స్ గురించి మాట్లాడాలంటే చాలా ఉంది. వెస్ట్ర‌న్ స్టైల్ డ్యాన్సుల‌తో పాటు ట్రెడిష‌న‌ల్ నృత్యాల్లోనూ ఆరి తేరిన పెర్ఫామ‌ర్.

ప్ర‌భాస్- స‌ల్మాన్ - అక్ష‌య్ లాంటి స్టార్లు త‌న‌ని ఎంక‌రేజ్ చేశారు. సౌత్ నార్త్ రెండు చోట్లా త‌న ఐటెమ్ నంబ‌ర్ల‌కు గొప్ప ఫాలోయింగ్ ఉంది. ఇంత‌కుముందు బాహుబ‌లి లో మ‌నోహ‌రి గీతంలోనే త‌న ట్యాలెంట్ ఎంతో చూపించింది. ఇక పోల్ డ్యాన్స్ .. ర్యాప్ డ్యాన్స్ అంటూ ఇంత‌కుముందు ఏబీసీడీ సిరీస్ మూవీలో అద‌ర‌గొట్టింది. ప్ర‌తిసారీ వేదిక‌ల‌పై నోరా అద్భుత డ్యాన్సింగ్ విన్యాసాలు క‌ట్టిప‌డేస్తుంటాయి. అందుకే భార‌తీయ చిత్ర‌ప‌రిశ్ర‌మ‌లో హిందీ టీవీ తెర‌పైనా నోరాకి కెరీర్ ప‌ర‌మైన స‌మ‌స్య లేనే లేదు.

ప్ర‌స్తుతం క‌థానాయికగానూ బాలీవుడ్ లో బిగ్ డ్రీమ్స్ ని నెర‌వేర్చుకునేందుకే కాపు కాసుకుని కూచుంది. త‌న ప్ర‌తిభ‌ను కొత్త‌గా చూపించాల‌న్న పంతంతో ఉంది. అయితే అందుకు త‌గ్గ ఆఫ‌ర్లు ఇచ్చేందుకే ఎవ‌రూ ముందుకు రాలేదు. మునుముందు నోరా సోలో నాయిక‌గా న‌టించే అవ‌కాశం ఉంద‌ని కూడా ప్ర‌చార‌మ‌వుతోంది. ఇక నోరా రెగ్యుల‌ర్ గా జిమ్ ని డ్యాన్స్ క్లాసుల‌ను అస్స‌లు విడిచిపెట్ట‌దు.

క్ర‌మం త‌ప్ప‌కుండా త‌న‌కు అత్యంత ప్రీతిపాత్ర‌మైన డ్యాన్స్ ని ప్రాక్టీస్ చేస్తూనే ఉంటుంది. ముంబై అంధేరిలో డ్యాన్స్ క్లాస్ ముగించుకుని తిరిగి వెళుతూ ఇదిగో ఇలా క‌నిపించింది. పింక్ టాప్ బ్లాక్ బాట‌మ్ తో అద‌ర‌గొట్టింది. ఆ ముఖానికి బ్లాక్ మాస్క్ ని కూడా ధ‌రించింది. ప్ర‌స్తుతం ఈ ఫోటో అంత‌ర్జాలంలో వైర‌ల్ గా మారింది.