అక్కడికి ఎంట్రీ ఇస్తున్న దీక్షా సేథ్

దీక్షాసేథ్ కన్నడ సినీ పరిశ్రమలో ఎంట్రీ ఇస్తోంది దీక్షా సేథ్. వేదంతో సినీ కెరీర్ ప్రారంభించిన ఈ పొడుగు సుందరి... మిరపకాయ, నిప్పు, రెబెల్, ఊ కొడతారా వంటి సినిమాల్లో లీడ్ హీరోయిన్, సెకండ్ హీరోయిన్ గానూ మెరిసింది. ఇప్పటికే ఒక తమిళ్, ఒక హిందీ మూవీ కూడా చేసిన దీక్ష... కన్నడ లో గ్రాండ్ ఎంట్రీ కి రెడీ అయింది.

ఆజానుబాహుడైన దర్శన్ హీరో గా తన తొలి సినిమా జగ్గూ దాదా ప్రారంభించేందుకు.. ఏడాదిగా హీరోయిన్ ని వెతుకుతున్నాడు దర్శకుడు రాఘవేంద్ర హెగ్డే. తెలుగు, హిందీల్లో బిజీగా ఉండి కూడా.. అడిగినన్ని కాల్షీట్స్ ఒకేసారి ఇవ్వడానికి దీక్ష ఒప్పుకుందని ఆనందంగా చెప్పాడు రాఘవేంద్ర. దర్శన్ కి ఈ పొడగాటి హీరోయిన్ సరిగా సెట్ అవుతుందని దర్శకుడు చెబ్తుంటే... కన్నడలో ఓ పెద్ద సినిమాతో ప్రవేశించడం హ్యాపీ గా ఉందంటోంది దీక్షా సేథ్. దర్శకుడికి తొలి సినిమాయే అయినా... అతని కమిట్ మెంట్ చాలా నచ్చిందని, అందుకే డేట్స్ హోల్ సేల్ గా ఇచ్చేశానని చెబ్తోంది. తన రోల్ చాలా కామెడీ చేయాల్సి ఉంటుందని, డైరెక్టర్ కొన్ని షాట్స్ వివరించినపుడే పడీపడీ నవ్వానని అంటోందీ దీక్ష.

కన్నడలో హీరోయిన్ స్లాట్ కోసం కర్చీఫ్ వేసేందుకు కమిట్మెంట్ బాగానే చూపిస్తున్నట్లుంది దీక్ష వాలకం చూస్తే. కాకపోతే తెలుగు లో, తమిళ, బాలీవుడ్‌ లో కూడా ఇలాంటి కమిట్‌ మెంటే చూపించింది కాని పనవ్వలేదు. చూద్దాం మరి ఇప్పుడు ఏమవుతుందో...