ప్రియాంక-దీపికల్లో ఎవరు గొప్పంటే!!

ప్రియాంక చోప్రా.. దీపికా పదుకొనే.. బాలీవుడ్ నుంచి ఇద్దరూ హాలీవుడ్ వెళ్లిపోయారు. కళ్లు బైర్లు కమ్మే రేంజ్ లో రెమ్యూనరేషన్ ఛార్జ్ చేస్తున్నారు. కళ్లకు ఆనందం కలిగేలా సోకులు ఆరబోస్తున్నారు. మరి వీరిలో ఎవరు గొప్ప అంటే.. చెప్పడం కొంచెం కష్టమే కానీ.. ఓ క్లారిటీకి అయితే రావచ్చు.

రీసెంట్ గా ఫోర్బ్స్ చెప్పిన లెక్కల ప్రకారం.. దీపికా 80 కోట్లు సంపాదిస్తుంటే.. ప్రియాంక 73 కోట్లు ఏటా గడిస్తోంది. దీపిక కంటే ముందే హాలీవుడ్ లో అడుగు పెట్టేసింది పీసీ. గతేడాది దీపిక నటించిన సినిమాలు ఏకంగా వెయ్యి కోట్లు రాబట్టేశాయి. ఫేమ్ విషయంలో కొంచెం దీపిక కొంచెం వెనకబడిందనే చెప్పాలి. ఆస్కార్ సహా ఐఫా.. కేన్స్.. లాంటి బిగ్గెస్ట్ ఈవెంట్స్ లో ప్రియాంకకు చాలానే గౌరవం దక్కింది. కానీ హాలీవుడ్ అంటే ప్రధానంగా అక్కడి సినిమాలే. బేవాచ్ లో ప్రియాంక చేస్తున్నది నెగిటివ్ రోల్. పైగా మూవీలో ఈ పాత్ర పరిధి.. నిడివి తక్కువ.

కానీ దీపిక చేస్తున్న ట్రిపుల్ ఎక్స్ అలా కాదు. హీరో విన్ డీజిల్ తో సరిసమానంగా ఉండే పాత్రలో దీపిక కనిపించనుంది. పైగా.. ప్రియాంకను ఫోర్బ్స్ టీవీ నటుల కేటగిరీలో చేర్చగా.. డిప్స్ ను హాలీవుడ్ హీరోయిన్ చేసింది. అంటే.. దీపిక పదుకొనే ఓ అడుగు ముందు ఉన్నట్లే కదా.