కొత్తజంటకు ప్రేమజంట శుభాకాంక్షలు

ఎన్నేళ్లగానో చెట్టపట్టాలు వేసుకుని కలిసి తిరిగిన క్రికెటర్ విరాట్ కోహ్లి.. బాలీవుడ్ హీరోయిన్ అనుష్క ఎట్టకేలకు పెళ్లి బంధంతో ఒక్కటయ్యారు. ఇటలీలో అత్యంత గ్రాండ్ గా జరిగిన వీరి పెళ్లి అటు బాలీవుడ్ లోనూ.. ఇటు క్రికెట్ టీంలో మంచి సందడి పుట్టించింది. ఇద్దరూ ఫేమస్ సెలబ్రిటీలు కావడంతో కొత్త జంటకు శుభాకాంక్షలు వెల్లువెత్తాయి. బాలీవుడ్ సెలబ్రిటీల్లో షారుక్ ఖాన్ ప్రియాంక చోప్రా కాజోల్ అమితాబ్ బచ్చన్ ఇలా చాలామంది సోషల్ మీడియా ద్వారా ఈ జంటకు బెస్ట్ విషెస్ చెప్పారు.

విరాట్- అనుష్క దంపతులకు విషెస్ చెప్పిన వారి సంగతి అటుంచి చెప్పనివారి గురించి మీడియా బాగానే ఆరా తీసింది. ముఖ్యంగా ఈమధ్య అనుష్కతో కాస్త తేడా కొట్టిన హీరోయిన్ దీపిక పదుకొనే లిస్ట్ లో కనిపించలేదు. ఆమెతో పాటు హీరో రణ్ వీర్ సింగ్ కూడా శుభాకాంక్షల ఊసే ఎత్తలేదు. ఆమధ్య రణ్ వీర్ తో క్లోజ్ గా ఉంటోందనే కినుకు తోనే దీపిక అనుష్క మొహం చూడటం కూడా మానేసింది. అవన్నీ మనసులో పెట్టుకుని కనీసం దీపిక శుభాకాంక్షలు చెప్పడానికి ఇష్టపడటం సరికాదంటూ సోషల్ మీడియాలో అప్పుడే ఆమెపై విమర్శలు మొదలయ్యాయి. వీటికి చెక్ పెట్టేందుకు దీపిక-రణ్ వీర్ ఇద్దరూ కొత్త జంటకు శుభాకాంక్షలు పర్సనల్ గానే చెప్పారు.

పెళ్లి తరవాత కలిసి జీవించేందుకు అనుష్క-విరాట్ లు ఎంపిక చేసుకున్న ఫ్లాట్ కు అత్యంత అరుదైన ఫ్లవర్స్ తోపాటు ఓ మంచి గిఫ్ట్ కొని సంతకాలు పెట్టి మరీ పంపించారట. అనుష్క ఇంతవరకు రణ్ వీర్ సింగ్ తో కలిసి బ్యాండ్ బాజా బారాత్.. లేడీస్ వెర్సెస్ రికీ భల్ సినిమాలు చేసింది.