భ‌ర్త‌తో దీపిక ప‌దుకొనే బ్రేక‌ప్ అంటూ..!

దీపిక ప‌దుకొనే - రణవీర్ సింగ్ జంట అన్యోన్య‌త గురించి చెప్పాల్సిన ప‌ని లేదు. బాలీవుడ్ లో అత్యంత ప్రియమైన జంటలలో ఒకరు. ఒక‌రికోసం ఒక‌రు పుట్టారు! అన్నంత‌గా ప్రేమాభిమానాల‌తో న‌డుచుకుంటారు. కానీ ఈ జంట విడిపోతున్నారంటూ ఒక రూమ‌ర్ అంతర్జాలంలో వైర‌ల్ గా మారింది. ఆ ప్ర‌చారం క్ర‌మంలోనే.. ఎప్పటికీ కలిసి ఉండాలనే ఇంటర్నెట్ లో ఇలాంటి పుకార్లు వ‌స్తుంటాయ‌ని ప్రఖ్యాత జ్యోతిష్కులలో ఒకరు పేర్కొన్నారు.

ఇంత‌కీ విడిపోయారా క‌లిసే ఉన్నారా? అన్న ప్ర‌శ్న‌కు దీపిక తాజాగా స్పందించింది. హోస్ట్ మేఘన్ మార్క్ లేతో తన ఇంటరాక్షన్ లో ఈ పుకార్లను కొట్టిపారేసింది. త‌న‌ భర్త రణవీర్ సింగ్ ఒక వారం రోజులుగా త‌న‌కు దూరంగా ఉన్నాడని.. ఇప్పుడు ఆమె ముఖం చూసి అతను చాలా సంతోషంగా ఉన్నాడని దీపిక చెప్పింది. ``నా భర్త ఒక వారం పాటు సంగీత ఉత్సవంలో ఉన్నాడు. అతను ఇప్పుడే తిరిగి వచ్చాడు. కాబట్టి అతను నా ముఖాన్ని చూసి సంతోషంగా ఉంటాడు`` అని దీపిక ఎంతో ఛ‌మ‌త్కారంగా సెటైరిక‌ల్ గా స్పందించింది.

రణవీర్ సింగ్ - దీపికా పదుకొణెల విడిపోతున్నారంటూ పుకార్లు ఇంటర్నెట్ లో దావానంలా వ్యాపించాయి. ఈ జంట న‌డుమ అంతా బాగాలేదని ఒక ప్ర‌ముఖ మీడియా క‌థ‌నం పేర్కొంది. అయితే ఆ తర్వాత ఈ జంట ఒకరి ఇన్ స్టాగ్రామ్ పోస్ట్ లపై మరొకరు లవ్-డోవీ వ్యాఖ్యలను షేర్ చేయ‌డం ద్వారా పుకార్లపై లైట్ గా స్పందించారు. దాంతో వారి మధ్య అంతా బాగానే ఉందని స్పష్టమైంది.

ఒక ఈవెంట్ ఇంటరాక్షన్ లో రణ్ వీర్ ని తన భార్య దీపికా పదుకొనే గురించి ప్ర‌శ్నించ‌గా...ఆమె నా రాణి! అంటూ ప్రేమ‌ను కురిపించాడు. దీపిక తన క్రాఫ్ట్ ను త‌న‌ మార్గాన్ని ఎక్కువగా ఇష్టపడుతున్నందున ఆమెతో కలిసి పనిచేయాలనుకుంటున్నానని చెప్పాడు.

దీపిక కెరీర్ మ్యాట‌ర్ కి వ‌స్తే..చివరిసారిగా డైరెక్ట్ టు డిజిటల్ రిలీజ్ `గెహ్రైయాన్‌`లో కనిపించిన దీపికా పదుకొణె ఈ ఏడాది మొత్తం షూటింగ్ ల‌తో బిజీగా గ‌డుపుతోంది. క్ష‌ణం తీరిక‌లేని షెడ్యూళ్ల‌తో కొన‌సాగుతోంది. ఇది త‌న అనారోగ్యానికి కార‌ణ‌మ‌వుతోంద‌ని స‌మాచారం. `పఠాన్‌`లో షారుఖ్ ఖాన్ -జాన్ అబ్రహంతో కలిసి నటిస్తోంది. ఇతర ప్రాజెక్టులలో హృతిక్ రోషన్ - అనిల్ కపూర్ లతో సిద్ధార్థ్ ఆనంద్ ల‌తో ఫైటర్ అత్యంత భారీగా తెర‌కెక్క‌నుంది. ప్రభాస్ - అమితాబ్ బచ్చన్ లతో నాగ్ అశ్విన్ ప్రాజెక్ట్ K చిత్రీక‌ర‌ణ ద‌శ‌లో ఉంది. అమితాబ్ బచ్చన్ తో ది ఇంటర్న్ రీమేక్ లో న‌టించ‌నుంది.

దీపిక వ‌రుస చిత్రాల‌తో బిజీగా ఉండ‌గా.. ర‌ణ‌వీర్ సైతం తీరిక లేని షెడ్యూళ్ల‌తో ఉన్నాడు. అత‌డి కెరీర్ మ్యాట‌ర్ కి వ‌స్తే.. జయేష్‌భాయ్ జోర్దార్ లో షాలినీ పాండేతో క‌లిసి న‌టించిన‌ రణ్‌వీర్ న‌టుడిగా ప్రశంసలు అందుకున్నాడు. కానీ ఆ సినిమా ఆశించిన విజ‌యం సాధించ‌లేదు.

క‌పిల్ బ‌యోపిక్ 83 కూడా ఫ్లాపైన సంగ‌తి తెలిసిందే. అతను తర్వాత జాక్వెలిన్ ఫెర్నాండెజ్ - పూజా హెగ్డేల‌తో కలిసి రోహిత్ శెట్టి `సర్కస్‌`లో కనిపించనున్నాడు. ఈ చిత్రంలో రణవీర్ ద్విపాత్రాభినయం చేస్తున్నారు. ఈ ఏడాది క్రిస్మస్ సందర్భంగా సర్కస్ ప్రేక్షకుల ముందుకు రానుంది. అలాగే అలియా భట్ తో కరణ్ జోహార్ దర్శకత్వంలో రాకీ ఔర్ రాణి కి ప్రేమ్ కహానీలో కూడా ర‌ణ‌వీర్ న‌టిస్తున్నాడు. 2019లో విడుదలైన గల్లీ బాయ్ తర్వాత అలియాతో ర‌ణ‌వీర్ కి ఇది రెండో సినిమా.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.