అనుష్కకు కౌంటర్ ఇచ్చిన బాలీవుడ్ భామ

బాలీవుడ్ బ్యూటీ ప్రియాంక చోప్రా చాలామంది హీరోయిన్లకు హాలీవుడ్ వెళ్లేందుకు దారులు వేసిందని చెప్పాలి. గతంలోనూ కొందరు ఈ బాట పట్టినా.. ప్రియాంక టైపులో సక్సెస్ లు లేవు. అదే స్ఫూర్తితో హాలీవుడ్ వెళ్లిన మరో బాలీవుడ్ బ్యూటీ దీపికా పదుకొనే. ట్రిపుల్ ఎక్స్ సిరీస్ లో లేటెస్ట్ సినిమాలో హీరోయిన్ దీపిక నటిస్తున్న విషయం తెలిసిందే.

మరి ఇలా హాలీవుడ్ వెళ్లినందుకు ఎలా ఫీలవుతున్నారనే ప్రశ్న దీపికకు ఎదురైంది. దీనికి సమాధానంగా ‘హాలీవుడ్ అయినా.. బాలీవుడ్ అయినా.. నాకు ఎలాంటి తేడాలు లేవు. నే బేస్ అంతా బాలీవుడ్‌ అని నాకు తెలుసు. కెరీర్ లో చివరకు బాలీవుడ్ యాక్టర్ గానే ఉంటాను. నన్ను ఇండియా నుంచి ఎవరూ వేరు చేయలేరు. సెలవల్లో ఊరెళ్లినట్లుగా.. నేను హాలీవుడ్ వెళ్లానంతే.. చివరకు నేను ఇండియాకి చేరుకుంటా.. బాలీవుడ్ నటిగానే ఉంటా’ స్ట్రాంగ్ ఆన్సర్ ఇచ్చింది దీపిక.

చిన్న క్వశ్చన్ కి దీపిక ఇంతగా రియాక్ట్ అవడానికి కారణం ఉంది. హాలీవుడ్ వెళతారా అని తాజాగా అనుష్క శర్మను అడిగితే.. ఎక్కడికో వెళ్లిపోయి చేతికొచ్చిన ఇండియన్ గాళ్ కేరక్టర్లు చేయడం అంటే నాకిష్టం లేదు అని చెప్పింది. అయితే.. ప్రియాంక - దీపికలను తక్కువ చేయడం లేదని అనుష్క చెప్పినా.. దీపికా పదుకొనే మాత్రం బాగానే హర్ట్ అయినట్లుంది.